Ezîz KOYLUOGLÛ
Serokê Dewletên Yekbûyî yên Emerîka Trump got ku ew ê di demek kurt de hemû hêzên xwe ji Sûriyê vekişînin. Ev gotinên Trump him li herêmê him jî di nava Emerîka de hejandinek daçêkirin. Ji xwe gelê herêmê dizanibûn hêzên ji derve hatine Sûriyê wê neçarbin derkevin. Lê ev li gorî hemû çavdêran wê piştî lihevhatina li ser Sûriyê û zelalkirina pêşeroja Sûriyê pêkbihata. Lê Trump ne li gorî herkesê li ser lihevkiribû, wek tê gotin li gorî Trump kir. Ev gotinên Trump ji rastiya li ser erdê tê jiyîn pirr dûre. Berovajî vê tê wateya destekdayîna terora DAIŞ’ê.
Wê herêm guhertinekî wiha bi carekî çiqas bikaribe pêşwazî bike, niha ev cihê gumanê yê. Wê ewlehiya herêmê di gelek aliyan de bixe bin metirsiyê. Yek ji wan mertisiyan jî grûbên veşartî yên DAIŞ’ê ku her roj li herêmê teqînan pêktîne. Ev çalakiyên ku bi armanca aramiya herêmê xerab bike pêk tên di rewşeyek wiha de wê zêde bibin. Ne tenê li herêmê wê bandora xwe li hemû cîhanê bike.
Dîsan DAIŞ heta niha jî beşek axa Sûriyê didestê xwe digre û direwşek wiha de dibe ku ev herêmên didestê xwe firehtir bike. Ev ne tenê li Sûriyê wê Iraqê jî bandoriya xwe bike, hebûna DAIŞ li Iraqê xurtir bike.
Ger li ser Bakur û Rojhilatê Sûriyê êrîşek pêk were -bi taybet gefên dewleta Tirk ya dagirker di vê demê de zêdebûye- wê hemû hevsengiya li hêrêmê biguherîne. Ne tenê Sûriye, wê bandorê li Iraq û welatê din yên Ereban bike. Dagirkirina herêmê wê li ser Erebistan û Îranê jî bandorê bike û herêma dagirkiriye wê bixwaze fireh bike.
Tê xuya kirin gotina vekişînê yê Trump wê di rewşa ewlehiya herêmê de guhertinek mezin çêbike. Îro li Bakûr û Rojhilatê Sûriyê di girtîgehan de bi hezaran girtiyên DAIŞ’ê hene. Dîsa bi deh hazaran malbatên wan hene. Di rewşeke ku aramiya herêmê xerab bibe wê rewşa wan terorîstan çi bibe?
Niha ji bo parastina cihanê, Hêzên Sûriya Demokratîk li Bakurê û Rojhilatê Sûriyê wek dîwarekî ketiye navbera terorê û cîhanê. Niha bi taybet dewleta Tirk ya dagirker dixwaze zêdetir terorîstan bikarbîne û dixwaze ev dîwarê QSD’ê rabike. Ji bo wê jî amadekariyan dike da ku êrîşî herêmê bike.
Ger diwarê parastinê yê QSD’ê yê lidijî terorê rabe, wê cîhan bikeve bin xeteriyek mezin. Niha biryara vekişîna leşkerên Emerîkî ji Sûriyê ev dîwarê li dijî terorê lewaz dike.
Niha nîqaşek wiha heye gelo rewşek awarte çêbibe wê terorîstên DAIŞ’ê yên di girtîgehên Bakur û Rojhilatê Sûriyê de çi bibe?
Yek; QSD, wê ji ber aloziyê nikaribe bi hezaran girtiyên DAIŞ’ê di zîndanan de bihêle û neçare wan berde. Çawa li ser Tirkiyê re derbasî herêmê bûn, wan dîsa şandina Tirkiyê.
Du; Girtiyên DAIŞ’ê teslîmî rejîma Sûriyê bike û xwe ji wan xelas bike. Wê rejîma Sûriyê çiqasa vê yekê qebûl bike, ne diyare.
Sê; Hemû terorîstê DAIŞ’ê cezayê îdamê bide wan û wan înfaz bike.
Tê diyar kirin ev hemû tê nîkaş kirin. Di rewşek awarte de QSD, nikare wan li cem xwe bihêle û parastina wan bike.
