Hozan SEYÎDXAN
Roj bi roj û her ku diçe zindanên rêjîma desthilatdar a AKP ê, werdigere navendên zulim û îşkençê.
Rêjîma faşîst a deshilatdara Akp ê ku vê zulim û zorê ji xwere weke metûtekê li dijî girtiyên kurd û azadîxwazan pêk tîne û hemî deriyên deng birînê li ber girtiyan asêkirine. Çima tercît di ser hemû pirsgirêkanre girinktir tê girtin, ji ber ku ev rengê tecrîd heman demê tê wateya tecrîda li ser civak, ziman û hebûna kurdan, kesayetên siyasî û girtiyên azadixwaz. Wek ku tê zanîn tecrîda li îmralî di çarceveya siyasî ya herî giran pêk tê. Ji ber vê egerê Kurdistaniyên li welat û yên li derveyi welat ji bo protestokirin û şikandina tecrîda li ser rêberê gelê kurd birêz Abdullah Ocalan li gelek dever û navendan ketine girevên birçîbûnê.
Çalakgirên grevên birçîbûnê dibên heta ku ev tecrîd bi dawî nebe ewê heman çalakiyên xwe bi zexim û hê xurtir bidûmînin. Wekîla kurd Leyla Guven dema ku biryara greva birçîbûna bê veger da, di destpêka peyama xwe de wiha anî ziman, “ez di çalakiya xwede xwedî helwest û biryarim, em weke jinên kurd da ku vê tecrîdê perçebikin bedel çi dibe bila bibe emê xwe ji vê tekoşînê re bikin pêşeng dîsa jî yên ku wê bi ser bikevin em bi xwe ne.”
Leyla Guven bi vê çalakiya xwe, misoger kir ku ti car dîwarên zindanan nikarin dengên azadîxwazan bibirrin, çawa ku di berxwedana zindana Amedê de Kemal Pîr, Xeyrî Dûrmûş‘an bi çalakiya xwe ew dîwarê zulim û zorê hilweşandîn û bi dirûşmeya berxwedan jiyane bi miloyanan gel li dû xwe şopandin, va îro jî bi miloyonan gel bi durûşmeya “em sîstema îmraliyê hilweşînin, bi rêbertiya xwere azad bijîn” heman berxwedan berdewame.
Gel dibêje dem dema xwedî li xwe û li rêbertiya xwe derketinê ye. Îroj li hemî qadan girseya gelê kurd ji bona şikandina tecrîdê li ser piyan e, hunermend û ronakbîr jî bi tevlêbûn û helwesta xwe ya van çalakiyan de dikarin roleke , xwe a pozitîf bilîzin. Ev jî tê wê watê ku bi şikandina vê tecrîdê re dawî li qirkirinên siyasî û çandî jî tên.
Rêjîma AKP‘ê bi kiryarên xwe yên derî mirovatiyê ku êdî ne tenê Kurdsitan her wiha temamê Tirkyê xistiye zindaneke dorpêçayi û di Rojhilatanavîn de weke dewleta herî zulumkar û mafxur tê nasîn, ger çi bibe jî bila bibe wê ev zulim û zor dewam neke û xuyaye ku gelê kurd bi bexwedan û têkoşîna xwe xwedî biryare ku ewê vê pêvajoyê wergerîne pêvajoya azadî û serkeftinê.
