Çalakiya greva birçîbûnê ya li navçeya Amûdê ku 600 kes beşdar bûbûn bi daxuyaniyekê bi dawî bû.
Bi dirûşmeya “Em ê tecrîdê bişikînin û bi serokê xwe re azad bijîn” Kongreya Star bi hevkariya PYD`ê roja 16’ê Kanênê li Navenda Hûrî ya Çand û Hunerê ya Amûdê çalakiya greva birçîbûnê da destpêkirin. Di roja yekemîn a çalakiyê de 450 kes ketin grevê û di roja duyemîn de hejmara çalakvanan gihaşt 600 kesan.
Di roja duyemîn a çalakiyê de gelek axaftin hatin kirin û silav li berxwedana Leyla Guven hate kirin û hat gotin ku daxwaza Leylayê daxwaza hemû gelê Kurd e.
Di axaftinan de ji civaka navneteweyî hat xwestin ku ji bo rakirina tecrîda li ser Rêberê Gelê Kurd Abdullah Ocalan bikevin nava tevgerê.
Çalakî bi daxuyaniyekê hat bi dawî kirin.
