TJA’yê bi daxuyaniyekê êrîşên YNK’ê li dijî buroyên Tevgera Azadiyê li başûrê Kurdistanê şermezar ki û diyar kir ku êriş rûreşiya serdemê ye.
Tevgera Jinên Azad (TJA) daxuyaniyeke nivîskî weşand êrîşên Yekitiya Niştimanî Kurdistan (YNK) ya li dijî Tevgera Azadiyê şermezar kir û wiha got: “Li Başûrê kurdistanê broyên Tevgera Azadiyê ji aliye YNK’ê ve hatin girtin. Di demeke ku hemû serdest êrîşî kurdan dikin de ev biryar rûreşiya serdemê ye. Hêzên li ser serê kurdan xurtir dike û destkeftiyên kurdan têk dibe.”
TJA’yê bal kişand ser girîngiya yekitiya kurdan û wiha berdewam kir: “Îro hemû dagirker li dijî kurdan bûne yek û qirkirin, izolasyon, zext û destdirêji-destavitinê kûrtir dikin. Roj roja ku kurd bi hev re li dijî dagirkeran bibin yek û têkoşînê xurt bikin. Bîryara girtina sazî û dezgehên kurdan tu car nayê qebûlkirin. Vekirina sazî û dezgehên kurdan bi fikr û ramanên cûda, ne perçekirina kurdan e, dewlemendiya demokrasiya Kurdîstanê ye.”
TJA’yê di dawiya daxuyaniya xwe de bal kişand ser girîngiya têkoşîna bi hev re û ev bang kir: “Em wekî Tevgera Jinên Azad(TJA) bi van hestan bang dikin ku li dijî sîxuriyê, dagirkeriyê, hovitiyê û êrîşên li ser Tevgera Azadiyê bi hev re têbikoşin. Dîsa em bang li hemû berpirsiyaran PDK, YNK, kesên demokrat, ji mafên jin û mirovan re bi hurmet dikin ku tavilê mohr a reş rakin. Li dijî dewletên ku êrîşî berxwadana azadiya kurdan dikin bibin yek.”
