Mihemed SEYDÎ
Êriş li ser gelê kurd ji aliyê dagirkerên li ser gelê kurd û axa Kurdistanê dewamin û bi her cûre rêbazan pêk tên. Di sêrî de tecrîdkirina rêber Ocalan û êşkenceya li Îmralî. Bi van êrişên bê serûber ên qirkirin, talankirin û kuştinê li bakurê Kurdistanê. Dîsa dagirkirina herêmên Rojavayê kurdistnaê û gefên ku her roj dewleta Tirk Eşkere dixwe jî kes nikare çavên xwe jê bigre. Dîsa hevkariya ku çi Rêjîmên Îran, Sûriyê û Îraqê bi rêbazên cûda li gel dewleta Tirk dikin û van êrişan pêk tînin..Yanî di her alî de êrişî destkeftiyên gelê kurdistanê dikin û hêzên mêtînger bi hemû hewldanên xwe çi bi rengekî eşkere çi jî ne eşkere dixwazin Desteftiyên gelê kurd ji destê wan derbixin û têk bibin..
Di Cotmeha 2018’an de 18. Civata giştî ya KNK hat lidarxistin. Dîsa ji bo yekîtiya Netewî û lidarxistina kongreya Netewî biryar hatin girtin. Di vê civatê de xetên SOR ên Netewî jî hatin diyarkirin û tixubên wê yên ku divê neyên derbaskirin û binpêkirina van xetan jî Sûcên netewî ne û binpêkirina berjiwendiyên gelê kurdistanê ye..Aliyên ku heta niha li pêşiya lidarxistina Kongra Netewî dibin asteng li ber çavanin û pêwist nake em careke din navê wan jî bibêjin. Ew alî tam li gel dagirkerên ser axa kurdistanê cihê xwe digrin û hebûna dagirkeran rewa dikin. Vê cihgirtina xwe ya li gel dagirkeran jî bi hencetan rewa dikin.
Raste her aliyên siyasî serbestin têkiliyan bi kê re dixwazin deynin. Ew têkilî aborî dibin, siyasî dibin çi jî bazirganî bin ferq tune lê dema li ser hesabê gelê kurd be ev yek nabê mafê kesî ku rewatiyekê bidin van têkilî û itîfaqan. Ew raste rast sûce.
Ya sosret jî ew e ku Hin caran ji dagirkeran re jî hincetan dibînin. Beriya cend rojan keseke ku rêvebera komika bi navê “ENKS” li ser Ekranên Medyayê behse rewşa li Efrînê dike û dibêje ku dewleta Tirk ji ber PYD’ê li wir bû êriş kir, û di heman demê dibêje ku dewleta Tirk naxwaze li ser sînorê wê statuyeke kurdan hebe. Yanî bi xwe jî li xwe mukur tê ku dewleta Tirk ji ber naxwaze kurd bibin xwedî statu êriş kirin. Lê hincetan jî ji dewleta Tirk re dibîne ku PYD sedeme.
Dîsa biryara ku herî dawî ji aliyê YNK’ê ve li ser Tevgera Azadî li Silêmaniyê hate girtin û muhrkirina deriyê navendên wê gelo xizmetê ji kêre dike? YNK’ê jî di bin navê hevkarî û berjiwendiyan de van gavên xwe tîne ziman û dîsa hincetên xwe diyar dike. ji kê jî bipirsî wê bersiva ku ev biryar û gava YNK’ê li ser daxwaza dewleta Tirk pêk hatiye bibersivîne.
De hîcar em behse Yekîtiya netewî dikin. Li vir êdî divê her kes bersiva viya bi Erê an Na bide. Yekîtiya netewî dixwazin an na. Êdî xwe li pişt hincetan de veneşêrin.. Ev jî Erkên demê yên KNK’ê ne. divê gavekî bi vî rengî bavêje û referandomeke wiha bide destpêkirin. Ji bo gelê kurd helwestên hemû aliyan eşkere bibîne. Û hincetên ku ji bo van biryar, têkilî û gavan werin dayîn jî neyên qebûlkirin.
Ger hincetan dixwazin û bi van hincetan van hewldanên xwe yên li gorî dijmê gelê kurd rewa dikin wê demê dewleta Tirk jî dema êrişî gelê kurdistanê dike, bi dehan bajarên kurdan xirab dike, rojane li kurdistanê êrişên tunekirinê pêk tîne, bi balafiran gundên başûrê kurdistanê dide ber bombebaranan,Ji bo van hemû êrîşan jî ew hincetên xwe tîne ziman..
Ya ez dixwazin bibêjim ku ne ya qebûlkirinê ye aliyek li dijî yekîtiya netewî tevbigerî û hincetan nîşan bidî . li vir tu hincet nayên qebûl kirin. Helwest tenê ew e ku xizmete yekîtiya netewî û berjiwendiyên gelê kurd dike an na.