Derwêş M. FERHO
Çardeh sal lêkolîn li ser pirsgirêka Kurdistan. Ew bi tu awayî terorîzmê napejirînin, têkoşîna mafên xwe yên neteweyî dikin. Yanzdeh pirtûk encama vê xebatê. Ya duwanzdehemîn di rê de ye. Bi awayekî zanistî analîzên dîrokî, olî, felsefî, antropolojî û civakî, di vê xebata hêja de hatiye kirin.
Gotinên jor pêşgotina ji aliyê Prof. Dr. Dirk Rochtus di roja 23.11.2018 de bi minasebeta nasandine pirtûka Hugo van Rompaey di dezgeha ADVN (Navenda arşîf û dokumentasyonê) li bajarê Antwerpen dihat kirin. Di heman demê de rêzdar Rochtus serokê vê navendê ye. Ew di pirsgirêka Kurdî û siyaseta Riojhilata Navîn de pîspor e.
Di axaftina dawîn de serokê Komxebata Parlementeran ji bo pirsgirêka Kurdî li Parlementoya Beljîka Jan Béghin, cîgirê kevn yê serokê Parlementoya Brukselê bi awayekî fereh xebata H. Van Rompaey şîrove kir. Girîngiya vê xebatê di warê siyasî, civakî û zanistî de kir. Bê goman, behsa serokê kevn yê vê komxebata parlementeran Lionel Vandenberghe, senatorê kevn û serokê kevn ji bîr nekir. Ev meriv jî di nava guhdaran de amade bû.
Di aliyê din de Hugo Van Rompaey di şîroveya xwe ya vê çalakiyê de bi berferehî li ser daxazên Kurdan û kiryarên wan sekinî. Daxwaz û têkoşîna Kurdan, ya tevgera Azadiya Kurdistan û bersivên dewleta Turk dan ber hev. Wï têkoşîna Kurdan di çardeh xalan de dubare kir. Ku Tevgera Azadiya Kurdistan ji sala 1993 ve deh car zêdetir agirbesta yekalî pêkaniye. Bersivën dewleta Turk jî her tim bi xap, bombe, tank û çekên giran bû ye.
Rêzdar Hugo Van Rompaey, di dawiya 1998 de serok Öcalan li Roma dît û pê re dûr-dirêj axivî. Di axaftina xwe de H. Van Rompaey behsa van 14 pêşniyarên Serok dike. Paş vê hevdîtinê H. Van Rompaey vedigere Brukselê û raste rê diçe ba serokwezîrê wê demê Jean Luc Dehaene û jê daxwaza inisiyatîfek Ewropî dike. Lê mixabin, pêkhatin û bûyerên paş vê demê rê li ber her gava erênî digre.
H. Van Rompaey diheman demê de bal kişand ser rastiya ku Kurdan di şerrê DAIŞ’ê de peywîra xwe bi cî anîn. Siyaseta navdewletî di destpêkê de Kurd pîroz kirin, lê di roja îro de weha xuya ye ku ewê dîsa pişta xwe bidin Kurdan. Wî ev siyaset bi xiyaneta di hember Kurdan de bi nav kir.
Her sê rêzdaran bi berferehî bal kişand ser rewşa îro li Turkiyê û behsa siyasetmedarên Kurd kir. “Eger bi dehan parlementer, şahredar, rewşenbîr, çalakvanên mafêne mrovan li Turkiyê di girtîgehan de bin çawa Ewropa dikare bi rayedarên Turk re pêvajoya endametiya Turkiyê biaxive. Divê Ewropa peywîra xwe di çarçeweya bingeha demokrasiyê de ku îro YE pê dijî bi cî bîne. Divê YE bi serbilindî di hember durûtiya Pûtîn, Trump, Erdogan û Asad de zelal û heşkere biaxive.
Kurd, bi daxwazên xwe ji bo jiyaneke bi rûmet neheqiyê li tu alî nakin. Têkoşîna wan ji bo aştiyê, demokrasiyeke bi bingeh li ser esasê, jiyanek hevrayî, wekheviya mafan û pêdiviyan e. Tevgera Azadiya Kurdistan yekane dost û hevalbendên me yên durust in. Di vê çarçeweyê de bi tu awayî zor û zilma li ser vî gelî, neheqiya li ser tevgera wan û rêber û siyasetmedarên wan ku ji dev salan vir de di zîndanê de ne û revebirên ku li serê çiya vê tevgerê bi re ve dibin nayê pejiranidin. Kurdistanî, bi girseyî li pey van rêbêrên xwe ne û divê YE vê rastiyê bibîne.