Yekem car ji dema Rûsya û Tirkiyê 17’ê Îlonê li ser herêma bêçek lihevkirin, balafirên Rûsyayê herêma bêçek bombebaran kir.
Navenda Çavdêriya Mafên Mirovan a Sûriyê ragihand ku balafirên Rûsyayê êrîşên dijwar birin ser herêma başûrê rojavayê Ildibê. Hêjayî gotinê ye ku herêmên ku ji aliyê Rûsyayê ve hatine bombebarankirin, di 17`ê Îlonê de di encama lihevkirina Pûtîn û Erdogan de wek herêmeke bêçek hate ragihandin.
Li gorî navendê, balafiran herêma El-Raşidîn a rojavayê bajarê Helebê, herêma Xan Toman a li aliyê başûrê rojavayî bejahiya Helebê dikeve, bombebaran kir. Ji aliyê din ve jî hêzên rêjîma Sûriyê herêmên rojava û bakurê rojavayê Helebê topbaran kirin.
DERBARÊ BOMBEBARANÊ DE DAXUYANÎ
Wezareta Parastinê ya Rûsya ragihand ku balafirên Rûsya çekdarên ku roja berê Heleb bi çekên kîmyewî topbaran kir, tesfiye kirin.
Her wiha wezaretê da zanîn ku hin delîl hene çete amadekariyên êrîşeke din a kîmyewî dikin.
Piştî ku şeva din çeteyên artêşa Tirk a dagirker taxên bajarê Helebê bi bi çekên jehrî topbaran kirin, Rûsyayê êrîşên hewayî li dijî çeteyan pêk anîn.