Di çarçoveya çalakiyên 25’ê Mijdarê Roja Têkoşîna li Dijî şîdeta ser jinan ya Navnetewî, li bajarê Silêmanî meşek bi pêşengiya RJAK’ê hate lidarxistin.
Rêxistina Jinên Azad a Kurdistanê (RJAK) roja înê bi boneya 25’ê Mijdarê Roja Têkoşîna li Dijî şîdeta ser jinan ya Navnetewî li bajarê Silêmanî meşek lidar xist. Meşa bi dirûşmeya “Em ê bihevre li dijî şîdetê rabin” ji Baxê Giştî destpê kir û heya li ber Parka Dayîk a bajêr dewam kir.
Nûnerên gelek rêxistinên jinan yên weke KJAR, Kongra Star, Bakurê Kurdistanê yên ji beşên din yên Kurdistanê jî beşdar bûn.
Di çalakiyê de dirûşmên li dijî şîdeta mêr hatin qîrîn. Her wiha bênavber dirûşma, “Jin, jiyan,azadî” hatin gotin.
Jinan pankarteke mor a li ser nivîsa, “Emê bi xwe rêxistinkirin û parastina cewherî dawî li şîdetê bînin” rakirin. Her wiha poster û wêneyên jinên berxwedêr û jinên ku di encama şîdeta mêr û dewletê de hatine qetilkirin jî hatin rakirin.
