Hêzên Sûriya Demokratîk ragihand ku hêzên wan serçeteyekî DAIŞ‘ê li Reqayê girtin.
Navenda Ragihandinê ya Hêzên Sûriya Demokratîk nûçeyek li ser malpera xwe ya fermî weşand. QSD’ê ragihand ku şervanên wan serçeteyekî DAIŞ‘ê li Reqayê girtin.
Li gorî nûçeya QSD‘ê “Hêzên Sûriya Demokratîk roja 14’ê Mijdarê li bajarê Reqayê çalakiyeke bi bandor pêk anîn. Çalakî wekî bersiva kuştina Şêx Beşîr El-Hiwêdî hat kirin. Di çalakiyê de serçeteyekî DAIŞ‘ê hate girtin.”
QSD‘ê diyar kir ku ew ê çalakiyên xwe bidomînin ta hemû kesên ku destê wan di kuştina Şêx Beşîr El-Hiwêdî de heye bigirin û rêxistina DAIŞ li tevahî Bakur û Rojhilatê Sûriyê tine bikin. QSD’ê diyar kir ku armanca operasyonan pêkanîna ewlehiya herêmê ye.
