Çeteyên artêşa Tirk a dagirker jineke ciwan ji Efrînê revand û 350 hezar lîre jê dizîn.
Artêşa Tirk a dagirker û çeteyên wê li Efrînê kiryarên weke revandin, kuştin, dizî û talanê didomînin. Çete sivîlan direvînin û ji bo ku serbest werin berdan, pereyan dixwazin.
Çavkaniyên herêmî ragihandin ku çeteyên artêşa Tirk a dagirker jineke ciwan bi navê Lava Mistefa (17) ji taxa Mehmûdiyê ya Efrînê revand.
Çavkaniyan diyar kirin ku bi jina ciwan re zêr bi buhayê 350 hezar lîreyan hebûn û destnîşan kirin ku ji 3`yê Mijdarê ve ew jina hatiye revandin. Çavkaniyan diyar kirin ku malbata jina ciwan berê xwe daye hemû navendên komên çete ku çarenûsa wê zanibin, lê tu agahî der barê wê de negirtine…ANHA
