Waliyê berê yê Mûsûlê Esîl Nûceyfî yê ku Mûsûl teslîmî DAÎŞ’ê kir û hêzên dagirker ên Tirkiyeyê bir Başîkayê, îddîa kir ku ew ê DAÎŞ dîsa êrîşî Mûsûlê bike.
Waliyê berê yê Mûsûlê Esîl Nûceyfî yê ku ji ber sîxurtî ji Tirkiyê re kiriye, derbarê wî biryara girtinê heye , piştî êrîşên DAÎŞ’ê yên li ser Mûsûlê dîsa axivî. Nûceyfî got, “Çeteyên DAÎŞ’ê li Mûsûlê bi awayekî azad digerin. Rewşa li Mûsûlê wekî ya beriya sala 2014’an e.”
Nûceyfî diyar kir ku hêzên Iraqê çavê xwe ji tevgerên DAÎŞ’ê yên li derdora Mûsûlê digirin û got, “Di demên dawîn de em dibînin ku DAÎŞ dîsa tevdigere. Ji Kerkûkê ber bi Mexmûrê, ji herêma Hazer a li başûr û rojavayê Mûsûlê û heta Baac û sînorê Tirkiyê. DAÎŞ bi serbestî li van herêman digere. Hêzên Iraqê ji bo pêşîlêgirtina wan tu gavan neavêjin.”
Ji ber ku derbarê wî biryara girtinê heye Esîl Nûceyfî niha li Enqereyê ye. Nûceyfî diyar kir ku Bexda berpirsê vî tiştî ye û got, “Tenê rêveberiya siyasî ya Bexdayê dikare vê meseleyê çareser bike, ji ber ku ew berpirsyar in. Rayedarên leşkerî yên li Mûsûlê fermanan ji lîderên siyasî yên li Bexdayê distînin. Hêzên ewlekariyê nikarin ewlehiya canê şêniyan mîsoger bike. Niha rewş wekî beriya 2014’an e. Bêyî lêpirsîn mirov tên destgîrkirin. Hêzên ewlehiyê yên li bajêr nikarin mîsogeriyê bidin gel.”
