Mihemed SEYDÎ
Gotineke pêşiyan ya ku dibêje “ keçelo navê min li te û komê min li serê te” heye ku tam li dewleta Tirk û serokê wê Erdogan tê. Hemû axaftinên di mêtîng û kombûnên xwe de rayedarên Dewleta Tirk ku niha Faşîzma AKP-MHP’ê serkêşiya wê dike de peyva teror derbas nebe nabe, ew her li ser zimanê wan e. Di bin vî navî de êriş didin digrin û qetil dikin. Ev komkujiyên ku bi destê dewleta Tirk dibin jî bi desteke hêzên din jî pêk tê..
Ev 40 salin Tevgera Azadiya Kurdistanê û gelê kurd li dijî hêzên dagirker têdikoşe. Dagirkeran her şer, êriş, qirkirin , talankirin û xesipkirin li dijî gelê kurd pêkanîne. Di hemberî vê jî têkoşşîn di meaneya xwe ya pîroz de bi pêşengiya Tevgera Azadiyê heta roja îro didome.
DYA li ser navê Wezareta xwe ya derve berî çend rojan daxuyaniyeke sosret da û got ku kesên cihê 3 rêveberên PKK’ê (tevgera azadiya kurdistanê ) bizanin ew ê xelata pere bidin wan. Derheqê vê daxuyaniyê de bertekên kurdistaniyan li ber çavan bû.
Gotin:” divê herkes cihê van rêveberên tevgera azadiyê bizanibe. Ew di dilê me de ne, ger dikarin bira bên ji dilê me derxin”.
Dibêjin ku DYA daxuyaniyekî wiha ji bo ku dewleta Tirk hinekî razî bike daye. lê ew di esas de êrişeke li dijî kurdistaniyan ne. Ewqasî pîvan nemane ku niha daxuyaniyeke bi vî rengî ji bo tenê dilxweşkirin dewleta Tirk dide, lê qet bertekên gelekî ku ji bo azadiya xwe têdikoşe û her roj li qadane û şerê terorê dike li ber çavan nagre.
Gelo nizanin ku yên pêşî li komkujiya derheqê gelê Êzidî li Şengalê girt ev tevger (tevgera azadiyê) bû. Dîsa li başûrê kurdistanê rê li DAIŞ’ê girt û di berxwedana Kobanê de berê xwe dan çeperên şer û li wir li dijî Terora DAIŞ’ê ku rûyê dewleta Tirk e şer kirin..
Piştî wê jî dibêjin em YPG’ê teror nabînin.ew çi helweste, yanî dixwazin bi vê jî gelê kurd razî bikin?. Her kurdekî welatparêz û xwedî wijdan di heman demê de PKK’î ye. Yê îro van êrişên ku bi nav li dijî pkk’ê ne qebûl bike, wê sibê êrişên li dijî YPG’ê û gelê kurdî re jî dengê xwe neke.
Behse terorê dikin, ka em tenê çend bûyerên ku li kurdistanê di van salên dawî de qewimîne bibîra we bixin û binêrin teror çiye.
Ji Roboskiyê em destpêbikin, di 28’ê kanûna 2011’an de bombe barandin li ser xelkê vê herêmê. 35 Mirovên ku hatin qetilkirin, hemû sivîl bûn. Gelek ji wan bi temenê kêmî 18 salî bûn. Dîsa bi wêrankirina bajarên kurdisanê, Sûr, Cizîr, Şirnex , silopî û Nisêbînê û şewtandina kesên li wir di jêrzemînan de li ber çavên hemû dunyanê ne ji terorê hîn wêdetir be wê çi be.
Li dijî gelê bakurê sûriyê- rojavayê kurdistanê ya ku DYA û Koalisyona navdewletî xwe hevkarê wan dibîne û bi wan re tevdiger terora dewleta Tirk çima nayê dîtin. Hincetên bêdengiya wan çi ne? . Rojane li ser sînor xelkê herêmê tê gulebaran kirin û qetilkirin. Efrîn bi dehan balafiran hate bombebarankirin, dagirkirin û heta niha jî li wir teror tê meşandin. Ev jî hêzên navnetewî ji bêdengiya wan dernaxe, mirov dibêje qeyî ne li vê dunyayê ne.
Kuştina Saraya 7 salî ya ku berî 2 hefteyan li ser riya dibistana xwe bi destê skvanên Artêşa Tirk a dagirker hat kuştin ne teror be çiye.. Ji bo dilê dewleta Tirk xweşbikin êrişî gelê kurd dikin. Li fransa êrîşî çalakiyên ku ji bo azadiya Rêber Ocalan di 6’ê mijdarê de destpêkirin kirin.
Li Elmaniya ji bo dilê deweleta Tirk xweşbikin êrişî siyasetvan, hunermend û saziyên gelê kurd dikin.
Lê ji bo rastiya dewleta Tirk ku pêşengiya Terorê dike nebêjin rola sê Meymonan dilîzîn, çav, guh û devê xwe digrin.
Ya ku ez dixwazim bibêjim ew e ku ger hun li terorê digerin ew li ber çavaye. Terora wan bi rûpoş û maskeya dewletê ye. Teror dewleta Tirke..