Li Ewropayê çalakiyên ji bo azadiya Rêber Ocalan dewam dikin. Ciwanên Kurd li paytexta Fransa Parîsê çalakiyek li dar xistin. Ciwanan xwestin tecrîda li Îmraliyê were rakirin. Ciwan li pêşiya Muzeya Loûvre ya li Parîsê rûniştin û pirtûkên Ocalan xwendin.
Ciwanên Kurd li ber Muzeya Loûvre ya li Parîsê û li mezintirîn gara trenê ya vî bajarî çalakiyek li dar xistin. Ciwanan xwestin tecrîda li Îmraliyê were rakirin.
Ciwanên ji Tevgera Ciwanên Şoreşger YXK û JXK’ê, li Gare du Nord a li paytexta Fransa Parîsê çalakiyek pêk anîn.
Ji bo balê bikişînin ser tecrîdkirina Rêberê Gelê Kurd Abdullah Ocalan ciwanan posterekî mezin ê Ocalan, alên PKK û KCK’ê û wêneyên sê jinên şoreşger ên Kurd ên sala 2013’an li Parîsê hatin qetilkirin, vekirin.
Her wiha pankarta bi nivîsa “Dewleta Tirk a faşîst ji Kurdistanê bicehime” ya bi zimanê Fransî hildan.
Ciwanan ji bo azadiya Ocalan û şermezarikrina dewleta Tirk a faşîst dirûşme qîriyan.
Endamên rêxistinên ciwanan li ber Muzeya Loûvre ya navdar li hev civiyan û tecrîd şermezarkirin. Ciwan li pêşiya muzeyê rûniştin û dest bi xwendina pirtûkên Ocalan kirin.
Ciwanan her wiha li ser tecrîdê û êrîşên dewleta Tirk belavok belav kirin.