Li Kampa El-Rikban ya ku li ser sînorê Urdun Sûriyê ye û 80 hezar koçberên Sûriyê lê dimînin ji ber bahoza tozê di 3 rojên dawî de herî kêm 20 koçberan jiyana xwe ji dest da. Hat ragihandin ku pêdiviyên jiyanî û xizmeta tenduristiyê li kampê kêm e û rêxistinên mirovî alîkariyê nakin.
Li kampa El-Rikban li ser sînorê Sûriye û Urdunê ji ber bahoza tozê, 20 koçberan jiyana xwe ji dest da.
Çavkaniyên ji hundirê kampa El-Rikban li ser sînorê Sûriye û Urdunê da zanîn ku ji ber bahoza tozê di 3 rojên dawîn de qurbanî û birîndar hene. Çavkaniyan diyar kir ku herî kêm 20 koçberan jiyana xwe ji dest da.
Kampa El-Rikban li ser sînorê Urdun Sûriyê ye, tê de koçberên Sûriyê yên ji parêzgehên Humis, Dêrazor, Bokemal, gundewarên Hema, Idlib, Siwêyda û Tedmûrê hene. Di kampê de 80 hezar koçber dimînin.
Li gorî agahiyên çavkaniyan ji ber toza bahozê gelek kon qetiyan û gelek malbat talan bûn. Pêdiviyên jiyanî û xizmeta tenduristiyê li kampê kêm e, her wiha hêzên rêjîmê kamp dorpêç kiriye û rêxistinên mirovî alîkariyê nakin.
