Jinên taxa Şêxmeqsûd a bajarê Helebê bi daxuyaniyekê bang li rêxistinên mirovî kirin ku destdirêjiyên dagirkeran yên li ser jinên li Efrînê rawestînin.
Di çarçoveya helwestên li dijî destdirêjiyên dewleta Tirk a dagirker û komên çete yên girêdayî wê li herêma Efrînê, jinên taxa Şêxmeqsûd daxuyaniyek dan. Daxuyanî li pêşiya komîngeha xeta şehîd Gulê Selmo hate xwendin.
Di daxuyaniyê de destdirêjiya dewleta Tirk a dagirker û komên çete yên li ser jinên herêma Efrînê û herêmên din ên dagirkirî bi tundî hate şermezarkirin. Di daxuyaniyê de hate gotin ku bi saya felsefeya Rêberê Gelê Kurd Abdullah Ocalan jinan xwe ji zîhniyeta baviksalar rizgar kiriye û ber bi avakirina civakeke demokratîk û exlaqî ve diçin.
Di daxuyaniyê de hate gotin ku ‘serkêşê komên terorîst Erdogan’ bi rêya çeteyên xwe hovîtiya xwe li dijî jinan zêde kiriye.
Di dawiya daxuyaniyê de bang li hemû rêxistinên mirovî hate kirin ku destwerdanê bikin û destdirêjiyên li ser jinên li herêma Efrînê û hemû herêmên Sûriyê bi dawî bikin.
