Endamên Ciwanên Şoreşger li bajarên Berlîn û Koln ê Elmanyayê û li paytexta Fransa Parîsê daketin qadan û daxwaza azadiya Rêberê Gelê Kurd Abdullah Ocalan kirin.
Endamên Ciwanên Şoreşger li ber dêra domê ya li Kolnê li hev civiyan û ji bo balê bikişînin ser tecrîdkirina Ocalan çalakiyek li dar xistin.
Ciwanan bi findan li ser erdê peyva ‘Ocalan’ nivîsîn û derbarê armanca çalakiyê belavok belav kirin. Çalakî bi qîrîna dirûşmên “Bê Serok jiyan nabe”, “Azadî ji bo Serok Apo” qediya.
Tevgera Ciwanên Şoreşger li banliyoya Drancy a paytexta Fransa Parîsê meşeke bi meşaleyan li dar xistin û tecrîdkirina Rêberê Gelê Kurd Abdullah Ocalan şermezar kirin.
Bi dehan ciwan tevlî meşê bûn û dirûşmên “Bê Serok jiyan nabe” û “Bijî Serok Apo” hatin qîrîn.
Ciwanan di meşê de sirûda Çerxa Şoreşê xwendin û piştî daxuyanî dan çalakiya xwe qedandin.
Ciwanên Kurd ên li paytexta Elmanya Berlînê li dijî tecrîdkirina Rêberê Gelê Kurd Abdullah Ocalan çalakî li dar xistin.
Endamên Tevgera Ciwanên Şoreşger li hev civiyan û fîşekên hewayî teqandin.
Ciwanan ji bo Ocalan û PKK’ê dirûşm qîriyan û diyar kirin ku wê tecrîdkirina Ocalan ti carî qebûl nekin.Ciwanan gotin wê çalakiyên wan bidomin.
Ciwanên Kurd ji bo Ocalan daketin qadan
