Ji bo sala nû ya çandiniyê amadekarî tê kirin

Saziya Zêdekirina Tovan a Dêrikê ji bo çandiniyê ya sala nû, 10 hezar ton tov amade kir.
Saziya Zêdekirina Tovan a Herêma Dêrikê ji bo peydekirina tov xebatên xwe didomîne.
Derbarê kar û xebatên Saziya Zêdekirina Tovan a Herêma Dêrikê de rayedaran dan zanîn ku tov ji cotkaran tê kirîn, piştre sazî van tovan bi rêya alavên pêşketî bêjing û derman dike.
Endamê rêveber ê Saziya Zêdekirina Tovan Şêrzad Ehmed diyar kir ku sazî heta niha 10 hezar ton tovên genim ji her du cureyên nerm û hişk amade kir.
Sazî bi rêya pêşxistina hilberînê û zêdekirina tovan, armanc dike ku pêwîstiya herêma Cizîrê bi temamî pêk bîne. Endamê rêveber ê saziyê Ehmed diyar kir ku sazî ji bo zêdekirina miqdarên tovên dermankirî, bi hejmarek cotkaran re li hev kir û wê tov ji wan bikire. Li gorî Ehmed tê payîn ku mîqdara tovên dermankirî di sala nû de bigihîje 20 hezar ton…ANHA