Hate zanîn ku dewleta Tirk a dagirker ber bi herêmên li Sûriyê dagir kirî wê rêyekê çêbike.
Li gorî nûçeya El Monîtorê, dewleta Tirk piştî ku Sûriye dagir kir û şûnde plan dike ku herêmên dagirkirî bi Dîlok û Kilîsê ve girê bide û ji bo wê jî wê rêyekê çêbike.
Hê budceya ku ji bo vê hatî veqetandin diyar nebûye. Li gorî nûçeya bi îmzeya Khaled el-Kahatep, Ala Hamad ê li buroya çapameniyê ya li deriyê sînor ê El Raî yê kar dike, têkildarî projeya mêtîngeriyê agahî da. Ala Hamad got: “Rêya dikeve rojhilatê El Raî yê 27’ê Tîrmehê temam bûye. Rêya ku bi qasî 3 mehan hate çêkirin, ji El Raî ya ji sînorê Tirkiyê ye heta El Babê dirêj dibe. Çêkirina rêya bi qasî 6 km bi desteka hikûmeta Tirk hatiye çêkirin.”
El Monîtor nivîsand ku niha kargehên Tirk ji bo ji deriyê sînor ê El Raî yê rêyeke ku navenda bajar, Ezaz, Cerablûs û bajarên din bike yek, ketiye nava liv û tevgerê.
Di nûçeyê de bal hatiye kişandina ser armancên çêkirina van rêyan jî. El Moîntor wiha gotiye: “Avakirina rêyeke nû û ji bo lez gihandinê hem wê hêsankarî ji bo veguhestina madenan û hem jî wê eleqeya karsazên Tirk ên ber bi herêmên Mertala Firatê ve zêdetir bike. Bi vî rengî girêdanên aborî yên bajarên dikevin başûrê Tirkiyê xurtir dibin.”
Yek ji fermadarên dewleta Tirk a dagirker ên li herêmê hatiye bicihkirin jî diyar kir ku projeyeke rê ya 20 km ku Mera a dikeve bajahiya bakurê Heleb û Ezazê jî heye.
Yek ji berpirsyarên xwecihî destnîşan kir ku rê wê El bab, Cerablûs, Ezaz, El Raî, Mera û Axtarîn bi hev ve bide girêdan û got: “Di navbera van bajar û rêyên derbasbûnê yên sînorên Bab El Selam û Cerablûs ên dikevin sînorên Tirkiyê de rêyên nû bên avakirin. çêkirina rê ya ku tê plankirin di rojên pêş de destpê bike, wê hikûmeta Tirk bigire ser xwe.”
