Şêwirmendê sereke ya hêzên Koalîsyona Navneteweyî ya şerê li dijî DAIŞ’ê li Sûriyê William Robak tevî şandeyekê serdana Meclîsa Sivîl a Dêrazorê kir û rewşa xizmetguzarî û civakî ya li herêmê gotûbêj kir.
Bi armanca şopandina rewşa civakî û xizmetguzarî ya li herêmên Dêrazorê yên ku QSD’ê ji destên DAIŞ’ê rizgar kirine, şêwirmendê sereke ya hêzên Koalîsyona Navneteweyî ya şerê li dijî DAIŞ’ê li Sûriyê William Robak û hejmareke rayedarên koalîsyonê serdana Meclîsa Sivîl a Dêrazorê kir.
Şande ji aliyê hevserokê Meclîsa Sivîl a Dêrazorê Xesan El-Yûsif ve li navenda meclîsê ya li navçeya El-Kisra ya Dêrazorê hate pêşwazîkirin.
Her du aliyan civînek li dar xist. Di civînê de Xesan El-Yûsif axivî û herêmên Dêrazorê û girîngiya wê kir. Piştre civîn ji çapemeniyê re girtî hate dewam kirin….ANHA
