Rêjîm çekên kîmyewî bikarbîne em ê êrîş bikin

Serokê Fransa Emmanuel Macron got, “Eger rêjîma Sûriyê careke din çekên kîmyewî bikar bîne ew ê êrîş bikin.
Serokê Fransayê Emmanuel Macron behsa êrîşeke sêalî ya Amerîka, Fransa û Brîtanyayê ya meha nîsana borî kir û diyar kir ku di encama bikaranîna hêzên rêjîmê ji çekên kîmyewî li dijî bajarokê Dûma yê gundewarên Şamê pêk hat û wiha got: “Em ê êrîşên xwe dubare bikin, eger rêjîm careke din çekên kîmyewî bi kar bîne.”
Girêdayî rewşa parêzgeha Idlibê Macron metirsiyên xwe anîn ziman ku eger hêzên rêjîmê hemleya xwe ya leşkerî li dijî komên çete yên girêdayî Tirkyê bide destpêkirin aloziyeke mirovî li parêzgehê derkeve.
Macron guman dike ku Rûsya û Tirkiye zextên xwe li rêjîmê zêde bikin da ku ev senaryo li Idlibê pêk neyê û da zanîn ku daxwaza Şamê ya danûstandina bi çekdaran re tune ye.
Macron têkildarî kî wê desthilatdariya Sûriyê bike, diyar kir ku divê tu dewlet perspektîfên xwe pêşniyar nekin û da zanîn ku ji civaka navneteweyî tê xwestin atmosfereke guncaw ji gelê Sûriyê re peyde bike da ku karibe bi xwe pêşeroja xwe diyar bike.
Macron anî ziman ku ew di mijara derxistina Esad de ne bi israr e, beriya ku alîkariyên mirovî derbasî Sûriyê bibin û di heman demê de diyar kir ku mayîna Esad li gorî baweriya wî şaş e.