Tevgera Civaka Demokratîk TEV-DEM wê konferansa xwe ya sêyemîn lidarbixe. Berdevkê Têkiliyên Dîplomasî ya TEV-DEM’ê Kemal Akif diyar kir ku TEV-DEM wê guhertinên cidî di konferansa xwe ya sêyemîn de pêk bîne û got, “biryarên konferansa sêyemîn a TEV-DEM’ê wê li ser bingeha xeta sêyemîn bêne dayîn.”
Berdevkê Têkiliyên Dîplomasî ya TEV-DEM’ê Kemal Akif diyar kir ku TEV-DEM wê guhertinên cidî di konferansa xwe ya sêyemîn de pêk bîne û piştrast kir ku biryarên ku ji konferansê derkevin wê li gorî pêşketinên siyasî û civakî yên li Sûriyê bin.
Berdevkê Têkiliyên Dîplomasî ya Tevgera Civaka Demokratîk (TEV-DEM) Kemal Akif derbarê xebatên amadekariya lidarxistina sêyemîn konferansa TEV-DEM’ê de ku were lidarxistin, axivî.
Akif di destpêka axaftina xwe de diyar kir ku TEV-DEM li ser bingeha birêxistinkirina civakê û avakirina civakeke exlaqî û demokratîk hatiye damezirandin. Ji sala 2011’an ve û piştî guhertinên li herêmên Sûriyê rû dane, TEV-DEM bi roleke girîng di hemû aliyên siyasî, civakî û aborî de rabû.
Akif da zanîn ku TEV-DEM ji dema hatiye damezirandin ve tu carî alîgiriya tu aliyan nekiriye da ku bigihîje desthilatdariyê û berovajî wê xebatên xwe di perwerdekirina civakê de dane meşandin û gelek akademî vekirin. Bi rêya van xebatan jî projeya Tevgera Civaka Demokratîk veguherî yek ji projeyên herî girîng û herî guncaw di hundirê Sûriyê de.
Akif piştrast kir ku sazî û meclîsên ku TEV-DEM beşdarî wan bûye, bi roleke mezin di Sûriyeyê de rabûne û wiha got: “Bi rêya TEV-DEM’ê van sazî û meclisan tecrube wergirtin û karibûn xwe bi xwe xwe bi rê ve bibin. Li ser vî esasî TEV-DEM dê rola xwe li gorî geşedanên li herêmê û guhertinan piştî sala 2018’an dê rola xwe biguherîne.”
Akif bal kişand ku TEV-DEM dê xebatên xwe li herêmên Bakurê Sûriyê berdewam bike û wê bi roleke girîng di çareseriya aloziya Sûriyeyê de rabe û dê cihê xwe di nava saziyên sivîl de bigire. Lidarxistina konferansê jî li ser pêdiviya geşedanên li herêmê ye.
Akif da zanîn ku biryarên konferansa sêyemîn a TEV-DEM’ê wê li ser bingeha xeta sêyemîn bêne dayîn û TEV-DEM wê guhertinên cidî di vê konferansê de pêk bîne.
Derbarê şandeyên ku wê beşdarî konferansê bibin de berdevkê Têkiliyên Dîplomasî ya Tevgera Civaka Demokratîk (TEV-DEM) Kemal Akif diyar kir ku wan hemû meclisên girêdayî Meclisa Sûriya Demokratîk, Rêveberiya Xweser û partiyên siyasî û kesayetên siyasî vexwendine konferansê…ANHA