Tecrîda girankirî li ser Rêberê Gelê Kurd Abdullah Ocalan dewam dike. Ti agahî ji Ocalan nayê girtin û dewleta Tirk rê nade ku malbat û parêzer biçin Îmraliyê. Bertek û fikarên gel jî her diçin ji bo Ocalan zêde dibin. Welatiyên Girê Spî diyar kirin ku Ocalan bi fikir û projeyên xwe li bakurê Sûriyê biratiya galan pêk anî.”
Welatiyên kantona Girê Spî daxwaz kirin ku rewşa Rêberê Gelê kurd Abdullah Ocalan were eşkerekirin û diyar kirin ku projeya Ocalan li Bakurê Sûriyê pêk tê.
Tecrîda giran a li ser rêberê gelê Kurd Abdullah Ocalan berdewam dike û ti agahî ji Ocalan nayê girtin.
Welatiyên Girê Sipî bertek nîşanî tecrîdê dan.
Welatiyê bi navê Mistefa Mihemed têkildarî mijarê wiha axivî: “Em nameyekê ji dijminên mirovahiyê, kesên Ocalan girtine û hevalbendên wan re dişînin û dibêjin; projeya Ocalan tê bicihanîn û neteweya demokratîk û biratiya gelan li Bakurê Sûriyê pêk tê.” Mistefa Mihemed anî ziman ku serbestberdana Ocalan tê wateya hilweşandina hemû pergalên zordariyê û bidawîkirina projeyên netewdewletê.
Welatiya bi navê Fadya El-Şerîf tecrîda ku li ser Ocalan şermezar kir û wiha got: “Wijdanê mirovahiyê ji bo tecrîdê li ku derê ye?”
Fadya bang li hemû dewletan kir ku ji bo serbestberdana Ocalan tev bigerin.
Mihemed El-Hemdan jî ji hemû gelên cîhanê xwest ku piştgiriya projeya Ocalan bikin û wiha got: “Ev proje biratiya gelan û şikandina nîjadperestiyê dihewîne.”…ANHA
