Fransayê diyar kir ku dema civîna çaralî ku dihat payîn li Tirkiyê ji bo çareseriya aloziya Sûriyê bê lidarxistin, ne guncaw e.
Hêviyên serokê Tirkiyê Recep Tayyîp Erdogan ên lidarxistina civîneke çaralî ji bo aloziya Sûriyê kêm dibin. Fransayê diyar kir ku derfeta lidarxistina vê civînê kêm in û dema lidarxistina wê ne guncaw e.
Qesra Elysee ragihand ku cîvan ku Tirkye ji bo aloziya Sûriyê dixwaze were lidarxistin, diyar e di vê demê de nayê lidarxistin.
Çavkaniyeke nêzî serokatiya Fransayê diyar kir 7’ê Îlonê roja ku serokê rêjîma Tirkiyê Recep Tayyîp Erdogan, serokê Fransa Emmanuel Makron, serokê Rûsyayê Viladimîr Pûtîn û şansolyeya Almanyayê Angela Merkel ji bo civînê pejirandine ne guncaw e.
Heman çavkanî diyar kir ku Parîs dixwaze mîsogeriyan ji bo agirbestê û çaksaziyên siyasî di Sûriyê de li plansaziya civînê zêde bike.
