Çeteyên rejîma Tirk li Efrîna dagirkirî 2 sivîlên din jî revandin.
Li gorî agahiyan, koma çeteyan a Eniya El Şam ya dewleta Tirk a dagirker li Efrînê sivîlên bi navê Rêzan Edilo û Ehmed Şêx Birîm revandin. Aqûbeta sivîlên ku li taxa Eşrefiyê hatin girtin nehate zanîn.
Li aliyê din koma çeteyan Helîme Mûse û Gûlê Nûrî yên ku ji gundê Meydanayê revandibûn berdan. Herdu sivîl ev 2 meh bûn winda bûn. Helîme û Nûrî yên hatîn berdan diyar kirin ku bi awayekî hovane şidet li wan kirine.
Hêzên dagirker hema bêje her roj li herêma Efrînê ku dagirkirine sivîlan direvînin , êşkence dikin û mal û milkên wan talan dikin…ANF
