Têkildarî rola ciwanan di piştgiriya Berxwedana Serdemê û Pêngava Rizgarkirina Efrînê de civînek li gundê Aqîbê yê navçeya Şêrawa ya kantona Efrînê hate lidarxistin.
Civîn ji aliyê Yekitiya Ciwanên Rojava ve (YCR) bi amadbûna bi dehan ciwanên gundê hate lidarxistin.
Rêveberê Yekîtiya Ciwanên Rojava Harûn Apoyî di civînê de axivî û girîngiya lidarxistina Kongreya Rizgarkirina Efrînê anî ziman. Harûn anî ziman ku di bendên kongrê de bal hatiye kişandin li ser rola ciwanan di rizgarkirina EFrînê de û wiha got, “Li ser vî esasî me xwe amade kiriye, me gelek civîn li ser rola ciwanan di pêngava rizgarkirina Efrînê de li dar xistine.”
Apoyî daxwaz ji ciwanan kir ku erka xwe ya piştgiriya Efrînê pêk bînin û tola şehîdan rakin.
Harûn Apoyî da zanîn ku pêwîste ciwan xwe bi rêxistin bikin û rêxistinên xwe ava bikin, da ku ji her rewşê re amade bin.
Ciwanên Rojava wê li Şehbayê jî civînên bi vî rengî li dar bixin.
