Piştî ku artêşa tirk a dagirker û çeteyên wê Efrînê dagir kirin, êdî Efrîn bûye cihê komkirina sergoyê û zibal li hemû kolanên wê belav bûye.
Piştî ku artêşa tirk a dagirker û çeteyên wê bajarê Efrînê dagir kirin, mal û milkên welatiyan, alavên saziyên giştî yên xizmetguzariyê talan kirin û dest bi revandina sivîlan kirin û li beramberî berdana wan pereyên zêde dixwazin.
Bi demê re bajarê Efrînê bûye cihê komkirina çopê. Di demên dawî de gelek wêne yên kolana sereke ya bi navê kolana Raco tê naskirin li ser t tevna civakî belav bûn û zibal li wê derê kom bûye.
Li gorî çavkaniyekî ji bajarê Efrînê ragihand, Efrîn ji ber zibalê ku nayê komkirin di bin qirêjê de maye. Çavkanî destnîşan kir ev rewş ne tenê li Efrînê ye lê hemû herêmên ku dewleta tirk û çeteyên wê dagir kirine wisa ne û tu xizmet li wan deveran nayên kirin.
Ji aliyekî din ve jî çavkaniyekî ji navçeya Şiyê ya Efrînê ragihand ku çeteyan sewalên welatiyên navçeyê ji wan stendine û wan serjê dikin û bi navê ku alîkariya koçber û şêniyan dikin goştê wan li şêniyan belav dikin. Bi vê yekê hewil didin ku nîşan bidin ew alîkariya welatiyan dikin…ANHA
