Diyana Mistefa/ Reqa
Cîgira Hevserokatiya Desteya Perwerde û Fêrkirinê ya Rêveberiya Xweseriya Demokratîk a Herêma Bakur û Rojhilatê Sûriyê Hediya Hesen diyar kir ku Zanista Jineolojî bi fikir û şoreşa jinê re dimeşe û destekê dide gihaştina fikrê Neteweya Demokratîk ji civakê re.
Sedsala 21’an serdema azadiya jinan, têkoşîn û şoreşa jinan e. Şoreşa jin bi şoreşa Rojavaye Kurdistanê re hat nasîn. Di şoreşa Rojava de vîna jinê, naskirina jin, zanist li vir wekî gavek ku bi şoreşê ve giredayîye pêşket û deng veda. Bi têkoşîn pêşxistina ked û jiyana jinê wekî şoreş hat bi navkirin û di hûndirê vê şoreşê de bûyerên ku çêbûn an jî pêşketinên ku çêbûn di cîhanê de rista xwekir, derbarê mijarê de Hediya Hesen ji rojnameya me re axivî.
Hediye Şêx Hesen diyar kir ku armanca fêrkirina vê madeyê bi taybet ji jinan re, di çarçoveya naskirina xwe û dîroka xwe de ji bo rasthatina hemû qonaxên jiyanê ye û wiha anî ziman: “Ev zanist destekê dide xurtkirina kesayetiya jinê, jêhatîbûna wê ya bi civakê re zêdetir bibe. Madeya Jineolojiyê di sala yekem a navîn û ya sêyemîn a amadeyî de ji xwendekarên her du zayendan re tê fêrkirin û li zanîngehê şaxek heye ku wê fêrî xwendekarên ku lîse qedandine, dike.”
Hediye Şêx Hesen wiha domand: “Mekanîzmayeke heye ku em ji bo amadekirina mamosteyê ku şopandina fêrkirina madeya Jinolojiyê dike her tim qebûl dikin, heye. Ew di akademiyan de kursên perwerdeyê yên pir giran tê dayîn. Li wir ji aliyê birdozî ve bi kursên perwerdeyê di her warî de tê amadekirin. Ew jî ji bo pisporiyeke zêde derbarê vê madeyê de bidest bixe û mekanîzmeya fêrkirina wê ji xwendekaran re, nas bike. Mamosteyên ku vê madeyê fêr dikin di astên bilind ên perwerdeyê de ne û ev made di hemû cûreyên perwerdeyê de heye.”
Hediye Şêx Hesen wiha axafrina xwe bi dawî kir: “Em hêvîdar in ku piştî madeya Jineolojiyayê û mamoste bi awayekî baş werin amadekirin, bandoreke erênî li xwendekar û civakê bike. Ew jî ji bo ku di warê malbatî, civakî û perwerdeyê de were pêkanîn. Ji ber girîngiyeke mezin ji danesîna jinê di vê zanistê de heye. Ew jî ji bo xurtkirina baweriya wê bi kesayeta wê û naskirina cewher û girîngiya rola wê di civakê de. Ev hemû jî ji bo karibe rastiyan di rastiya wê ya civakî û pratîkî de ye, binirxîne.”
