Dîlan Mulhim /Qamişlo
Welatiyên bajarê Qamişlo êrişên dagirkeriya Tirk şermezar kirin û wiha gotin: “Heta dilopa xwîna xwe ya dawî emê têkoşîn û berxwedaniyê bikin. Dewleta tirk a dagirker Bi van êrîşan nikare îradeya me bişkîne.”
Careke din ji bo qirkirina gelê herêmê dagirkeriya Tirk di şeva 23’ê Cotmehê de, dest bi êrişeke berfireh li ser Bakur û Rojhilatê Sûriyê kir. Dagirkeriyê di êirşên xwe de rasterast binesaziya herêmê, navendên stratejîk, xizmetguzarî, sivîl û mal û milkên wan dike hedef. Di encama êrişan de, bi 10’an welatî şehîd bûne û binesaziya herêmêm ziyanên gelek mezin dîtiye. Lê li hemberî êrişên qirkirinê gelên herêmê rabûn ser piyan û ji dagirkeran re helwesta xwe nîşan kirin ku ew ê tu carî serî ji dagirkeran re netewînin û tola şehîdên xwe rakin. Herwiha QSD’ê jî di çarçoveya mafê parastinê de, li dijî baregeh û xalên dagirkeriya Tirk çalakiyên bi bandor pêk anîn.
Di derbarê êrîşên dewleta tirk a dagirker li ser herêma Bakur û Rojhilatê Suriyê, şêniyên bajarê Qamişlo ji rojnameya me re axavîn.
Rêvebera Kongra Star Xebat Beşîr da zanîn ku armanca dewleta Tirk a dagerker qirdikirina gelê herêmê ye û wiha got: “Dewleta tirk a degiker
di van êrîşên xwe de dixwaze ku gelê herêmê koçber bike û herêmê dagir bike. Herwiha dewleta tirk di van êrîşan de binesaziya herêmê, cihên xizmetguzarî, sitasuyên eletirîkê û mal û mikên sivîlan kirin armanc, li hemberî van êrîşan em ê li ber xwe bidin û nihêlin ku dewleta Tirk di van êrşan de bi ser bikeve. Di heman demê pêwîste gelên herêmê li hemberî van êrîşan li ber xwe bidin û helwesta xwe nîşan bidin.”
‘Pêwîste dewletên Navnetewî bêdeng nemîn in’
Xebat Beşîr axaftina xwe wiha qedand: “Dewleta tirk a dagirker bi bêdengiya dewleyên Navneteyî êrîşî herêma Bakur û Rojhilatê Suriyê dike, di van êrşan de binesaziya herêmê gelek sivîl û zarok hatin hedefkirin. Herwiha pêwîste dewletê mezin weke Rûsya û Emerîka li hemberî van êrîşên hovane bê deng nemîn, rê li ber êrîşan bigirin û nehêlin ku dewleta tirk di van êrîşan bi serbikeve.”
‘Gelê kurd fedekarên axa xwe ne’
Birayê şehîd Şêrzat Ibirahîm Ibirahîm di destpêka axaftina xwe de wiha got: “Dewleta Tirk a dagirker di van êrîşan de dixwaze fitneyê di
navbera Rêveberiya Xweser û gelê herêmê de çêke, lê li hemberî van êrîşan gelê me fedakare, li kêlek Rêveberiya Xweser disekine. Herwiha êrşên dewleta Tirk a dagirker nikare îrada gelê kurd bişkîne, di heman demê de ji gelê kurd tê xwestin ku tevlîbûnê ji refa hêza Suriya Dîmokrat re çêkin da ku ev hêz li ser piyan bibîne. Di heman demê de ji gelê kurd tê xwestin ku li hemberî van êrîşan her roj çalakiyan pêkbînin.”
‘Pêwîste gelên herêmê beravaniyê di ber axa xwe de bikin’
Ehmed IBirahîm axaftina xwe wiha bi dawî kir: “Di êrîşên dewleta Tirk a dagiker de gelek sivîl û bi taybet zarok hatin armanc kirin. Pêwîste dewletên cîhanê li hemberî van êrîşên bê mirovî helwesta xwe nîşan bidin. Herwiha divê gelên herêmê li hemberî van êrîşan li berxwe bidin û berevaniyê di ber axa xwe de bikin. Dewleta Tirk di van êrîşan de nikare hebûna gelê kurd têk bibe û hete dilopa xwînê di laşê gelê kurd e heye, gelê kurd ji dev axa xwe bernadin û wê têkoşîn û berxwedaniyê bikin. Dewleta Tirk a dagirker di van êrîşên xwe de ti carî bi ser nakeve.”
