Yasmîn Omo / Hesekê
Endama Kordînasyona Kongra Star a Hesekê Xalîda Botî diyar kir ku ew ê bi riya fikrê Rêber Apo azadiya jinê bixin û rêxistinbûyîna xwe xurt bikin.
Kongra Star rêxistinek avanî ya konfederal a demokratîk a jinê ye. Giranî dide rêxistinkirin, perwerde û bihêzkirina jin û tekoşîna ji bo wekhevî û azadiya jin di hemû qadên jiyanê. Ew di sala 2005 de di bin navê Yêkitiya Star hate ava kirin. Kongra Star li Rojava, Bakûr û Rojhiatê Sûriyê û li Sûriyê xwe rêxistin dike. Nûnertiyê Kongra Star li Başûrê Kurdistanê, Libnan û li Avrupa heye. Ji destpêka destpêkirina Şoreşa Rojava û heta niha Kongra Star ji bo rêxistinkirin û pêşxistina jinê karekî giranbuha dide meşandin.
Di derbarê kar û xebatên Kongra Star de Endama Kordînasiyona Kongra Star ya Hesekê Xalîda Botî bersiva pirsên rojnameya me da û hevpeyvîn wiha bû:
Kongra Star li ser çi bingehê hat avakirin ?
Ew di sala 2005 de di bin navê Yêkitiya Star hate ava kirin. Kongra Star li Rojava, Bakûr û Rojhiatê Sûriyê û li Sûriyê xwe rêxistin dike. Nûnertiyê Kongra Star li Başûrê Kurdistanê, Libnan û li Avrupa heye.
Bingeha paradîgmaya Kongra Star demokrasî, ekolojî û azadiya jinê ye. Bi pêşxistina azadiya jinê û feraseta neteweya demokratîk dixwaze Rojavayek azad, Sûriyeya demokratîk û Rojhilata Navîn a demokratîk ava bike. Ev tê wê wateyê ku gel bi xwe bi pêşxistina saziyên xweser a xweparastin, aborî, hiqûq, civak, dîplomasî û çandê bêyî ku xwe bispêre hêz û dewletê, dibe netewek. Kongra Star hemberî ferasetê desthilatdar baviksalar, nejadparest, kapîtalîst tekoşîn dike û ji bo civakek wekhev, azad û adalet rêxistin dike.
Mîkanîzma karê kongira star bi çi rengî ye ?
Kongra Star ji komîn, meclîs, akademî, kooperatîf û komîteyan pêk tê. Kongreya giştî du salan carekê pêk tê. Ji hemû qadên xebatê, rêxistin, kom û komîteyan ku Kongra Star jê pêk tê tevlîdibin û xebatên xwe ya du salan dinirxînin û ji bo pêşerojê biryaran didin. Li vir jî endamên komîteyê û koordînasyona Kongra Star têne hilbijartin.
Peyama we ji bo jinan çi ye ?
Em wekî Kongra Star banga me ji bo hemû jinan li her jinek li her çar perçên Kurdistanê û li Rojhilata Navîn ku tevlî nava xebatê Kongra Star bibin ji ber ku Kongra Star sîwana hemû jinên ku xewn û xeyalên wan ji bo azadiyê heye,
Armanca me Bparsatina hevjiyana aştiyane û beşdariya demokratîk bi nûnertiyên etnîkî û olî di jiyana civakî, siyasî û çandî de dike. Civakek exlaqî û polîtîk bi pêşxistina şoreşa zihnî, ku bi perwerdeya li ser esasê Jineolojî tê avakirin. Bi Jineolojiyê re mêtîngeriya zihnî tê derbaskirin, hişmendiya jina azad, jiyana azad û têkoşîna cins tê pêşxistin.
