Dîlan Mulhim/Qamişlo
Di 8’emîn Pêşengeha Şehîd Helekol Ya Pirtûkan de Kovarên Mizgîn û Rona yên zarokan jî cihê di pêşengehê de girtin. Aramnca wan jî pêşxistina çanada xwendinê li cem zarokan e.
Bi diruşmeya “ka em xwendinê bikin şêweyê jiyanê” çalakiyên 8`e mîn a Pêşangeha Pirtûkan ye Şehîd Herekol ku ji aliyê Rêveberiya Çanda Bakur û Rojhilatê Sûriyê û bi hevkariya Rêveberiya Çandê ya herêma Cizîrê ve hatibû, amadekirin. Di 15`ê Cotmehê de hat destpêkirin û 22`ê Cotmehê wê bi dawî dibe.
Derbarê asta tevlîbûna kovarên zarokan di 8`e mîn pêşengeha şehîd Herekol ya pirtûkan de, endamê ‘Kovara Mizgîn’ Mecid Sehdûn û berpirsa ‘Kovara Rona‘ Rona Egîd ji rojnemeya me re axaivîn.
Mecid Sadûn da zanîn ku ev cara duyemîne ku ’Kovara Mizgîn’ tevlî pêşengeha Şehîd Herekol a pirtûkan dibe û wiha got: “Pêşdarbûna me wekî Kovara Mizgîn gaveke pir başbû, bi taybet ji bo avakirina neteweyeke ku zanist û zanîn tê de serdest be, divê em ji zarokan ve dest pê bikin. Em hişê zarokan paqij bikin û bi her tiştê kêrhatî ronî bikin. Di Kovarê de çîrok, agahiyên dewlemend ji bo zarokan bi zimanê kurdî û Erebî hatine nivîsandin, her wiha ev pêşengeh ne tenê ji bo zarokan hatiya li dar xistin, belê ji bo ku malbat jî binasin ku xwendin pêşxistina zaroka ne. Divê xwendin stûna yekem be ku zarok ber bi cîhanên zanînê ve biçe.”
‘Kovara Mizkîn kêfxweşiya dilê zarokanin’
Mecid di dewamiya axaftina xwe de wiha got: “Her çiqas ku em bingeha xwe rast bikin, ew qas em bi pêş dikevin, di heman demê de zarok, ciwan di dema me ya îro de, pir nêzî tiknolojiya dibin ev jî bandoreke neynî li ser zarokan dike. Ji ber vê yekê armanca me ji vê pêşengihê ew e ku zarok li çanda xwe vegerin. Her wiha Kovara Mizgîn dengê zarokan ne, ku naskirina jêhatîbûna û beşdarbûna wan di hemû hejmaran de sûd, feyde û çanda zarokan bi tiştên ku di kovarê de hatine nivîsandin belav bibe, bi hewldanekî mezin ku kovar bigihêje hemû zarokan. Her wiha armanca beşdarbûna me di pêşengiha şehîd Herkol a pirtûkan, ew e ku zarok kovareke perwerdehiyê ya bêpere werbigirin, her wiha romanên ku li gor temenê wan e, di heman demê de ku dûrî teknolojiyê bikevin, bi xwendin û romanan xwe perwerde dibin.”
Bêşdarbûne kovara Rona di pêşengihê de
Di heman çarçoveyê de Rona Egîd da zanîn ku ev cara duyemîne ku ‘kovara Rona’ tevlî pêşengeha şehîd Helekol a pirtûkan dibe û got; “Beşdarbûna min weke ‘Kovra Rona‘ asta wê gelekî serkeftî bû. Asta çanda xwendinê di civakê de kême, ji ber vê yekê em dixwazin ku naveroka kovarê pêtir berferh bikin û kêfxweşiyê bixin dilê zarokan de. Naveroka kovarê jî helbestin û di her hejmarekê de jî rûpelek kovara Kurdistan mal kurd de, heye. Herwiha kovar bi tevahî bi ziman kurdiye bi armanca ku em zarok perwerde û fêrbibe û dûrî teklnolojiyê bikevin, ku zarok bi xwendin û ramên xwe perwerde bibin.”
‘Kovara Rona dengê zarokan e’
Rona Egîd axaftina xwe wiha bidawî kir: “Di her hejmarekê de jî Rûpelek ji Kovara Kurdistan mala kurde heye ew jî ji erşîva yekem ya kovara zarokanin.Herwiha di her hejmarekê de li ser bajaran, kesayetan, şûnwarin û hwd.. bi tevahî li ser tiştên zarokan di axive û di rûpela dawî de pirseke di kovarê de heye û kesê ku persiva wê zanîbe kovara Rona wê diyariyê bide wan û kovara Rona dengê zarokan e.”
