Yasmîn Omo / Hesekê
Stranbêjê ciwan Îvan Macê ku ji bajarê Hesekê ye, ji zaroktiya ve ji stranbêjî û mozîkê hez kiriye û fêrî amûrên mûzîkê bûye. Îvan bi riya hunera xwe hestên xwse tîne ziman û hewil dide xeyalên xwe pêk bîne.
Piştî Şoreşa Rojava qada hunerê jî wekî tevahiya aqadan pêş ket, bi 10’an ciwanên nûhatî jêhatiyên xwe yên hunerî pêşxistin, yek ji wan ciwanan jî Îvan Macê ye.
Îvan Macê ciwanekî 19’e salî ye, li bajarê Hesekê ji dayikbûye, Îvan ji piçûkaniya xwe ve ji mozîk û stranbêjiyê hez kiriye, herwiha ji fêrbûna amûrên mozîkê bala wî kişandiye.
Derbarê heskirina mozîk û stranbêjiyê stranbêjê ciwan Îvan Macê ji rojnameya me re axivî.
Îvan Macê di destpêka axaftina xwe de balkişand ser destpêka hezkirina wî ji mozîkê re û wiha got: “Gava ku temenê min 11’e salî bû, min dest bi gotina stranan kir ,bavê min li tembûrê dida, di wê demê de ez jî pê bandor bûm û hêdî hêdî min di vê rêyê de gavên baş avêtin. Ji xwe yê ku hêz û bawerî dida min, bavê min bû. Herwiha hevalên min jî piştgiriya min kirin. Bavê min nêzî salekê ez fêrî gotina stranên filklorî dik, bi taybey stranên Seîd Gabarî , Seîd Yûsif û Mihemed Şêxo. Piştî salekê min dest bi gotina stranan kir.”
Îvan ne tenê li tembûrê dide, ew li gîtar, bilûr û cimbişê jî dide. Ji xwe stranê wî yên taybet tune ne, lê ew amdekariyên stranên taybet dike. Di dema niha de li Çand û Hunera Hesekê Xabûr perwerdeya mozîkê dide ciwanan. Niha jî ew tevlî peymangeha Hunerê ya bilin li Dêrikê ta ku xwe hîn li pêşbixe ,Îvan dibêje wek xewnekê bû ji wî re ku ev peymangeh çê bibe û ew tevlê wê bibe.
