Birûc Resûl/Qamişlo
Pêngava ‘Dar Pişika Bajêr e’ ji aliyê jina ciwan Cûdî Ibrahîm û bi destekdayîna desteya Ekolojî û şaredariyê, li bajarê Qamişlo hat destpêkirin.
Li bajarê Qamişlo jineke ciwan bi navê Cûdî Ibrahîm bi duruşmeya ‘Dar pişika bajêr e’ insyatîfeke kesayetî ya çandina daran da destpêkirin, her wiha bi alîkariya desteya Ekolojî, çandinî û şaredariyê. armanca wê jî parastina xwazyê û zêdekirina hişyarkirina civakî ye.
Îro li bajarê Qamişlo nêzî 50 dar li parka Avesta ya giştî hat çandin, bi alîkariya jin, zilam û zaroka.
Di heman demê de Cudî Ibrahîm wiha got: “Em dixwazin çandina daran bibe çandek di nava civakê de belav bibe. Em ê di hemleyê de zarokan jî tevlî dikin ji bo ji zaroktî li cem wan ev çand çêbibe û çawa parastina daran û derdora xwe bikin.”
‘Darçandin bingeha domandina jiyanê ye’
Cûdî Ibrahîm wiha gotinên xwe bi dawî kir: “Hêviya min ew e ku hemû civak tevlî vê hemleyê bibin ji ber ku alîkariya civakî bingeha serkeftina hemleyan e û insyatîf bidestxistina çandê ye. Ji bo parastina nifşên pêş ji nexweşiya em daran biçînin û cihên şînkayê mezin bikin, ji ber ku darçandin bingeha domandina jiyanê ye û dibe alîkar ji bo guhertina avhawaya me ber bi baçûbûnê.”
