Şaredariya Gel a Kampa Serdemê bi armanca peydekirina pêwîstiyan ji şêniyên kampê re amadekariyên vekirina sûkekê dike.
Ji destpêka avakirina Kampa Serdemê ve ku şêniyên Efrînê yên ji ber êrîşên artêşa tirk a dagirker û çeteyên wê neçar man ku dev ji warên xwe berdin li wê derê bi cih bûne, şaredariya gel tevî derfetên xwe yên kêm di hemû aliyan de xizmeta welatiyan dike.
Şaredariyê li ser xwesteka şêniyan dest bi avakirina sûkeke gelêrî li kampê kir. Di sûkê de 63 dikanên cur be cur heye.
Derbarê mijarê de Hevserokê Şaredariya Gel a Kampa Serdem Qazqulî Mihemed diyar kir ku ji erka şaredariyê ye ku di hemû aliyan de xizmeta welatiyan bike û pêwîstiyên wan peyde bike. Mihemed destnîşan kir ku tevî derfetên xwe yên kêm alîkariya şêniyan dikin û di demên dawîn de wan dest bi avakirina sûkeke gelêrî kir da ku hemû pêwîstiyên welatiyên kampê peyde bikin…ANHA
Li Kampa Serdemê sûk tê vekirin
