Artêşa Tirk û çeteyên wê li gundê Kurzêlê yê Şerawa yê Efrînê 5 sivîlên din revand û fîdye xwest.
Li gorî nûçeya ANHA’yê ev kes hatine revandin: Egîd Ebdulrehman (25), Ehmed Yûsif Evdulrehman (28), Cemal Olo (23), Nûrî Mihemed Evdulrehman (44) û Yûsif Evdulrehman (68).
Hate hînbûn ku çeteyan diyar kirine, heke fîdye were dayîn ew ê van kesan berdin.
DI 2 ROJAN DE 20 SIVÎL HATIN REVANDIN
Li Efrînê di 2 rojan de nêzî 20 kes hatin revandin. Li gundê Qestel Kişik ê Şerayê 16 kes û li Racoyê jî 2 sivîl hatin revandin.
Hate diyarkirin ku li Efrînê 300 traktor, 218 wesayît û bi hezaran motorbisiklet hatine dizîn.
