Lîloz Hisên/ Qamişlo
Komîna Şano ya kantona Cizîrê ragehand ku ew ê bi navê ( Mono Drama) festîvalekî li ser asta Herêma Bakur û Rojhilatê Sûriyê li dar bixe. Armanca wê jî xurtkirina rola lîstkvan û derhênerên şanoyê. Li ser vê bingehê ji 15’ê Îlonê û heta 5’ê Cotmehê nivîsên şanoyê tên pêşwazî kirin.
Li Herêma Bakur û Rojhilatê Sûriyê amadekariyên festîvala (Mono Drama) tê kirin ku yekemîn car wê li herêmê bê lidarxistin. Mono Drama cûreyeke şanoyê ye, tenê lîstikvanek şanoyê dilîze li ser tepa şanoyê, carnan bi alîkariya çend lîstkvanan tê li dar xistin, lê divê bêdeng bimînin. Mono peyveke Yûnanî ye tê wateya yek.
Derbarêamadekariyên Festîvala Mono Dirama endamê komîteya amadekar Enwer Mihemed ji rojnameya me re axivî.
Girîngiya lidarxistina festîvalê
Enwer Mihemed di dstpêka axaftina xwe de bal kişand ser girîngiya festîvalê û wiha got: “Festîvala Mono Drama tê wateya ku lîstkvanek şanoyê pêşkêş bike, ev cûr jî xwe dispêre hewildanên derhêne an lîstkvan. Her sal di 27`ê Adarê de festîvala şanoyê ya Şehîd Yekta Herekol tê li darxsitin, di vê festîvalê de nivîsên Mono Drama ji me re dihat lê me qebûl nedikir, ji ber ku festîval ya koman bû, gelek şanoger bi hev re pêşkêş dikin. Me rewş lêkolîn kir û dît ku giringiyeke Mono Drama heye mîna yên din, ji be vê yekê em ê hewil bidin vê festîvalê li dar bixin. Ji sedemên li dar xistina festîvalê; Pêşkêşkirina piştgiriyê ji bo lîstkvan û derhêneran da ku xebtên xwe pêşkêş bikin, festîvalên mîna Mono Drama ji bo xurtkirina lîstkvanan roleke mezin dilîze.”
Ji tevahî Herêma Bakur û Rojhilatê Sûriyê tevlîbûn heye
Enwer Mihemed wiha domand: “Ji destpêka festîval hate raghandin, gelek têkilî ji hêla derhêner, nivîskar û lîstkvanan bi komîteya amadekar re ji tevahiya bajarên Bakur û Rojhilatê Sûriyê hate kirin, herwiha nivîsên xwe ji bo tevlîbûna festîvalê pêşkêş kirin. Tîmek ji Şanoya Netewî li Şamê û jineke ciwan ji Ewropayê xwesteka wan di tevlîbûnê de heye û festîval Jî êdî wê pêşwaziya wan bike.”
Enwer Mihemed balkişand ser nivîsên go tên qebûlkirin û wiha got: “Gelek nivîs hatin lêkolînkirin, yên herî guncaw hatin erê kirin. Komên hatin erêkirin wê ji bo amadekirina şanoya xwe kar bike, duvre jî wê komîteya temaşekirinê van şanoyan binirxînin di dema provên ku çêbibin. Dibe ku festîval di meha Berfanbarê de bê lidarxistin.”
Enwer Mihemed derbarê cihê lidarxistina festêvalê de wiha got: “Tevî ku me cihê festîvalê diyar nekiriye, lê dibe ku li navenda Mihemed Şêxo bê lidarxistin. Ji hêla piştgiriya darayî ve jî hîn pilan berdewam in ji bo peydakirina pêwistiyan, lê organîzatoran tekez kirin ku ew ê dudilî nemînin di pêşkêşkirina piştgiriya manewî û darayî ji bo tîmên ku beşdar bibin, di nav de peydakirina wesayîtên çûn û hatinê û alîkariya lojîstîk.”
Endamê Komîteya Amadekar ya Festîvala ( Mono Drama) ya yekemîn li Bakur û Rojhilatê Sûriyê Enwer Mihemed axaftina xwe wiha qedand: “Festîvala Mono Drama yê yekemîn li Bakur û Rojhilatê Sûriyê projeyeke mezin e, pêwistiya wê bi hewildanên mezin hene li ser tevahiya waran. Tê payîn ku ev festîval xaleke veghurandinê be di xurtkitina şanoya tekkesê, û piştgiriya tevgera şanoyê li herêmê.”
