Yasmîn Omo / Hesekê
Rêveberiya Desteya Jîngehê ya bajarê Hesekê Rovend Ebdo diyar kir ku armanca Desteya Jîngehê ji destpêkirina pêngava komkirina tovên darên resen yên herêmê, zêdekirina qada kesek li herêmê û parastina darên resen e.
Desteya Jîngehê ya bajarê Hesekê li çiyayê Kezwana yê girêdayî bajarê Hesekê dest bi pêngava komkirina tovên darên resen yên herêmê kir. Aramnaca pêngavê jî parastina darên resen û firehkirina qadên kesk li herêmê ye.
Di derbarê mijarê de rêveberiya Desteya Jîngehê ya bajarê Hesekê Rovend Ebdo ji Rojnameya mere axivî .
Rovend Ebdo di destpêka axaftina xwe de wiha got: ‘‘Li ser bingeha pilansaziya salane ya ku ji aliyê desteya jîngehê ve hat amadekirin û di çarçoveya bernameya karê xwe de, di 28’ê îlonê 2024’an de bi armanca parastina cûreyên darên resen li herêmê û sûdwergirtina ji wan, destpêkirina pêngavê hat ragihandin. Pêngav ji Çiyayê Kezwana dest pê kir, ji ber giringî û dîrokiya vê parastgehê û taybetmendiyên cûreyên darên wê , him hewcedariya wê bi nûjenkirin û parastina cureyên darên ku tê de hene.’’
Rvend Ebdo wiha berdewam kir: ‘‘Pêngav wê li hin parastgehên din yên kantona Cizîrê berdewm be, kar dê were kirin ji bo şînnbûna van tovan dinav şitlgeh û bexçeyên girêdayî desteya jîngehê li kantona Cizyrê, herwiha dê kar were kirin ji bo belavkirina van cûreyan li ser astek mezintir. Derdora 50 kesî tevlî vê pêngavê bûn, we jî rêveberê û endamên jîngehê li Hesek , hin jî endamên şitilgeha Şehîd Barîn ya Qmûişlo û şitilgeha Tiwêna ya Hesekê , hin ji parastvanê parastgeha Çiyayê Kezwanê ya girêdayê desteyê ne ’’.Rovend Ebdo axaftina xwe wiha bi dawî kir: ‘‘Ji xwe ev destpêka pêngavê ye, wê ev pêngav li geleg cihên kantona Cizîrê pêk bên. Em ê tovên gelek cureyên daran bidin hev mîna darên sinober , diflê ,xurme ,cûreyên fêkî , gelek cureyên daran ê li herêmê kom bikin da ku careke din şîn bên.”
