Pêkhateyên Minbicê salvegera duyemîn ya rizgarkirina bajarê xwe bi coşek mezin pîroz kirin.
Pîrozbahiya salvegera duyemîn a rizgarkirina bajarê Minbicê bi tevlêbûna bi hezaran şêniyan û şandeyên ji herêmên Bakurê Sûriyê li qada dibistana Xesaniya hate lidarxistin.
Bi munasebeta salvegera rizgarkirina Minbicê di pîrozbahiyê de li ser navê partî û rêveberiyan axaftin hatin kirin.
EMÊ DESTKETIYAN BIPARÊZIN
Di pîrozbahiyê de, endamê Komîteya Navendî ya Partiya Sûriya Pêşerojê Cahid Hesen axivî û wiha axivî: “Di vê roja dîrokî de, roja serkeftina xêr li hemberî tarîtî û şer. Roja ku gelê Minbicê derbasî pêvajoyeke dîr
okî bû, pêvajoya azadî û xwe rêveberinê bajarê Minbicê azad bû.”
Hesen wiha dewam kir, “We ji cîhanê re got: Em gelê Sûriyê bi hemû pêkhate, ol û mezhebên xwe yek in û li hemberî her xeteriyan bi hev re têkoşînê dikin. We ji dost û dijminan re got binerin çawa me Minbic ji hêzên tarî rizgar kir. Em ne tenê rizgar dikin û diparêzin, di heman demê de em yekitiya hemû pêkhateyan diparêzin. Wekî Partiya Sûriyeya Pêşerojê em bi we serbilind in û tekez dikin ku em ê layîqê xwîna şehîdan û gelê xwe bin.”
RÊVEBERIYÊN ME BI SER KETIN
Hevserokê Meclisa Sivîl a Reqayê Ebid El-Mihbaş jî di pîrozbahiyê de axivî û got: “Rêveberiyên me yên sivîl bi ser ketin. Minbic bi xweşikbûn û pirrengiya xwe salvegera rizgarkirinê pîroz dike. Divê em ji bîr nekin ku sîwana me MSD‘ê dara dayînê ye û dê piştgiriya xwe siyasî û madî û manewî bi rêveberan re bi domîne. Em ji gelê xwe yê Efrînê re dibêjin ku serkeftin nêzîk bûye û wê Sûriyeke demokratîk, pirreng û ne navendî ava bibe.”
Seroka Meclisa Jin a Minbic û gundewarên Meha El-Elî salvegera rizgarkirina Minbic pîroz kir û banga parastina destkftiy
ên şehîdan kir.
Bi navê Rêveberiya Xweseriya Demokratîk a Kobanê Bekir Cerada jî got: “Minbic ji ber xwedî liderketina li fikirê netewa demokratîk li Sûriyê û Rojhilata Navîn bûye mînak û dê bibe ronahiya riya Sûriyan a ber bi Sûriya demokratîk ve.”
Hevseroka Meclisa Rêveber a Tebqayê Hind El-Elî hemû cangoriyên azadiyê bibîr anî û diyar kir ku bi saya wan Minbic azad bû.
Hevserokê Meclisa Zagonsaz a Rêveberiya Sivîl a Demokratîk a Minbic û gundewarên wî Farûq El-Maşî jî ev tişt got: “Di dema ku li vir pîrozbahî tê lidarxistin de, AKP Şengalê bombebaran dike, îro dîsa rûyê xwe yê rast aşkere dike.”
Hevserokê Rêveberiya Xweseriya Demokratîk a Kantona Girê Spî Hemdan El-Ebid jî wiha axivî “Rêveberiya Xweser heqîqeta îradeya gelê azadîxwaz e. Em xwediyê aşîtiyê ne, mafê me yê rawaya ku em paras
tina xwe bikin. Wekî din em spasiya Koalîsyonê dikin û ji cîhanê re dibêjin ku tiştekî kesî gel me nine, ji ber ku me parastina tevahî cîhanê kir.”
Bi navê ciwanên Minbicê Esma Remo jî wiha got: “Minbic bi xwîna ciwanên me rizgar bû, rola ciwanan di avakirina Minbicê de girîng bû.
Rêveberiya Sivîl a Demokratîk a Minbicê û gundewarên wê hejmareke sazî, şandeyên, “Herêma Cizîrê, Kobanê, Girê Spî, Dêrazor, Tebqa, Reqa, Eyn Îsa, Meclisa Leşkerî ya Minbicê, Saziya Malbatên Şehîdan a Minbicê, Hêzên Ewlekariya Hindrîn, ragihandin û Mala Birîndaran” xelat kirin.
Di dawiya şahiyê de komên Ereb, Tirkmen, Çerkez, Kurd jî stran gotin û govend gerandin.
