Zana Roj/ Şehba
Di bin dirûşmeya “Azadî ji zaroketiyê dest pê dike, zaroketî di lîstikê de veşartiye” de Tevgera Hîlala Zêrîn û Tevgera Çand û Hunerê li Kantona Efrîn û Şehbayê 3 yemîn Festîvala Zarokan li dar xistin. Ev festîval salane ji bo tavahî zarokên herêmê û bi taybet ji bo pêşkêşkirina aktîvîstên hûnerî yên zarokan tê orgenîze kirin.
li kantona Efrîn û Şehbayî ji aliyê Tevgera Kevana Zêrîn û Tevgera Çand û Huner 3 yemîn Festîvala Zarokan di bin dirûşmeya “Azadî ji zarokatiyê dest pê dike, zarokatî di lîstikê de veşartiye” hate li dar xistin. Di festîvalê de bi sedan ji zarok, mamoste û gelê Efrîn û Şehbayê amede bûn. Her wiha festîval bi 13 komên Stran û gûvendê yên ku ji aliyê zarokan ve hatine pêşkêş kirin hate xemilandin. Di festîvalê de axaftina destpêkê ji aliyê Endama Tevgera Kevana Zêrîn Bihar Silêman ve hate kirin. Girêdayî vestîvalê zarokê bi navê Nûcîn Xelîl ya koma staranan ya Şehîd Aylend ji rojnameya me re axivî.
Di koçberiyê de lidar xistina festîvala zarokan gaveke
giringe
Bihar di axaftina xwe de bal kişand ser armanc ji darxistina festîvala zarokan û wiha got: “Ev festîval ji 3 salan ve li herêma Şehbayê ji bo zarokan tê lidar xistin. Bi taybet di nava şert û mercên zehmet yên koçberiyê û rewşa ku herêm tê re derbas dibe û bi taybet bandora xwe li ser zarokan, orgenîze kirin festîvaleke bi vî awayî girîng e. Di aliyê bilindkirina coşa zarokan, her wiha derxistina berhemên zarokên ku rojane bi êrîşên dagirkeriyê re rû bi rû dimînin, ev festîval xwedî wate û girîngiyeke mezine. Di heman demê de ev sekna heyî bersiva zarokên me li hember dagirkeriyê nîşan dide”.
`Zarok pêşengtiyê ji serdemeke serkeftî re dikin`
Her wiha Bihar di berdewamiya axaftina xwe de hêza zarokên ku gihîştiye lidarxistina festîvalan anî ziman û wiha pê de çû: “Bê guman zarokên ku bi felsefeya Rêber APO re mezin bûne, îro em wan li ser dika hunerê dibînin, derketina li ser dikê ne hêsan e hêz û vîneke mezin dixwaze da ku bigihînin vê astê. Zarokên îro pêşengtiyê ji serdemeke serkeftî re dikin û vê yekê bi sekna xwe ya heyî tekez dikin. Ev deng û govendên ku tên pêşxistin yek ji mîrasên parastina çand û hunera Kurdî ya hezar salan e. Li ser vê esasê em sekna heyî û rihê zarokên ku bûne parçeyek ji berxwedaniyê silav dikin”.
`Stran gotin ji bo min pîroz e`
Endama Koma starnan ya Şehîd Aylend Nûjîn di derbarê festîvalê de hestên xwe wiha anîn ziman: “Ev festîval ji bo me cihê serkeftinê ye, di nava rewşên zehmet yên ku em pê re dimînin de ev çalakiyên hunerî ji me re dibin hêz û coş. Ez bi hevalên xwe re di koma stranan de beşdarî festîvalê bûme. Koma Şehîd Aylend ji destpêka ku em hatine Şehbayê de hatiye avakirin. Dema ez stranan dibêjim ez hîs dikim ez kêfxweşiyê di dilê hemû zarokan de didin avakirin, ji ber vê jî stran gotin ji bo min tiştekî pîroz e”.
