Di çarçoveya çalakiyên salvegera duyemîn a rizgarkirina Minbicê de, Yekitiya Rewşenbîran navendeke xwe li bajêr vekir, her wiha Komîteya Çand û Hunerê jî pirûkxaneyeke navendî vekir.
Merasîma vekirinê, bi beşdariya endamên saziyên Rêveberiya Sivîl a Demokratîk a Minbicê û şandeyên ji herêmên Bakurê Sûriyê pêk hat.
Piştî bîranîna cangoriyên azadiyê, Endamê Yekitiya Rewşenbîran Ehmed El-Yûsif axivî û xêrhatina beşdaran kir. El Yûsif da zanîn ku vekirina pirtûkxane û navenda rewşenbîran erka wan e ku zanebûnê di nava gel de belav bike û ew bibe cihê hemû rewşenbîran.
Bi navê Rêveberiya Sivîl a Demokratîk a Minbicê Mihemed Mihemed Xêr El-Şêxo jî axivî û salvegera rizgarkirina Minbicê li hemû beşdaran pîroz kir.
Ji herêma Cizîrê jî bi navê Yekitiya Rewşenbîran Leyla Îbrahîm axivî û vekirina navenda Yekitiya Rewşenbîran û pirtûkxaneya navendî pîroz kir.
Mihemed Qeberdayî bi navê Rêveberiya Komîteya Çand û Hunerê ya Minbicê axivî û da zanîn ku wê hemû rewşenbîrên Minbicê cihê xwe di vê navendê de bigirin û ev gaveke erênî ye.
Piştî axaftinan, helbest jî hatin xwendin, paşê deriyê Navenda Yekitiya Rewşenbîran û pirtûkxaneya navendî bi navê Mihemed Menla Xezîl hatin vekirin. Yekitiya Rewşenbîran di 21`ê Nîsana 2018`an de hate vekirin…ANHA
Li Minbicê pirtûkxaneyek hatin vekirin
