Ayşa Silêman/ Qamişlo
Rêvebera Desteya Tenduristiyê ya herêma Bakur û Rojhilatê Sûriyê Bêrîvan Ehmed diyar kir ku di 5’ê Îlonê de Nexweşxaneya Şehîd Tekîn û Klînîkên Şehîd Qehreman li taxa Xiwêran a Hesekê hat vekirin. Ev nexweşxane taybet bi hêzên Ewlekariya Hundirîne.
Di 5’ê Îlonên de, li taxa Xwêran ya bajarê Hesekê nexweşxaneya Şehîd Tekîn û kilînkên Şehîd Qehreman hatin vekirin. Nexweşxane taybet ji bo endamên Hêzên Ewlekariya Hundirîn e. Avahiya nexweşxaneyê ji sê qatan pêk tê, qata yekem ji cihê embolans, panorama û beşek jê odeyên nexweşan e. Qata duyem bigiştî odeyên nexweşan e û qata sêyem jî beşek jê ya emeliyat ne û beşa din ya çavdêriyê ye. Beşê odeyên nexweşan têra 75 nexweşî dike. Herwiha li kêlek nexweşxaneyê kilînîk jî hene; di nava xwe de giştî beşên tenduristiyê digre dest wek; kilînîka Dil, Çav, Livik, Poz û Guh, Jin, Nexweşiyên Hundirîn, Ortopendî, Çerm û hwd. Di heman demê de hijmara kesên ku di vê nexweşxaneyê de kar dikin 160 kes in.
Di derbarê vekirina nexweşxaneya Şehîd Tekîn û Kilînîkên Şehîd Qehreman de, rêvebera beşê tenduristiya ya Hêzên Ewlekariya Hundirîn Bêrîvan Ehmed ji Rojnameya me re axivî.
Armac ji vekirina nexweşxaneyê
Bêrîvan Ehmed diyar kir ku tu cûdahiya vê nexweşxaneyê ji nexweşxaneyên din nîne, lê tenê ev taybet ji bo Hêzên Ewlekariya Hundirîne û wiha got: “Ev sê salin amadekarî ji bo nexweşxaneya Şehîd Tekîn û kilînîkên Şehîd Qehreman dihat kirin, Desteya Tenduristiyê ya herêma Bakur û Rojhilatê Sûriyê û Hêzên Ewlekariya Hundirîn destek dan me. Her wiha di nexwşxaneyê de giştî bijîşk cihê xwe tê de digrin. Di heman demê de tevî nexweşên ku ji derveyî nexweşxanê ji me re tên, hin nexweş hene bijîşkên kilînîkan wan rêdikin nexweşxaneyê, dema tên gel me em formên wan çêdikin û paşê li gor rewşa wan bi erkê xwe radibin. Kilînîk ji seat 8 heyanî seat 1 nîvro vekirîne. Her wiha dermanxane jî li gel me heye û em hewil didin hemû cûreyên dermanan têde peyda bikin da ku nexweş hewcedarî dermanxaneyên ji derveyî nexweşxanê ne bibe. Di dema pêş de gelek pirojeyên me hene yek ji wan pirojeyan jî ew e ku beşê emeliyatên dil jî were vekirin, ji ber ku bijîşkên dil hene lê hîn em di milê danîna rasol ji bo dil, neştegeriya sîngê, balon û şebeke yê de kêmin.”
