Diyana Mistefa/Reqa
Rêveberiya Çand û Hunerê ya Rêveberiya Xweseriya Demokratîk a Bakur-Rojhilatê Sûriyê bi şahiyekê taybet sînevîzyoneke nû ya klîba bi navê “Ji bo jiyanê em distrên” weşand.
Di şahiyê de nûnerên Rêveberiya Çand û Hunerê, Rêveberiya Xweser, Meclisa Rêveber a Kantona Reqayê, partiyên siyasî û Meclîsa Malbatên Şehîdan, tevî hunermendên beşdar û hejmarek ji malbatan amade bûn.
Rêveberiya Çand û Hunerê ev klîb amade kiribû, ku tê de nêzîkî 75 hunermendên jin û mêr, tevî teknîsyen û berhemhêneran tê de bûn, ku hejmara wan gihişte nêzîkî 125 kesan ji pêkhateyên ereb, kurd, suryanî û ermen.
Kilîp wek karekî hunerî yê nû li ser asta herêma Bakur û Rojhilatê Sûriyê tê derketin û hemû çanda gelên Sûriyê îfade dike û peyamên ku bang li gel dike ku bi hev re bijîn, mezhebperestiyê red bikin û aştiya gelan, çfade dike.
Şahî bi deqeyeke rêzgirtinê ji bo giyanê şehîdan dest pê kir û piştre hevserokê Desteya Çandê ya Bakur-Rojhilatê Sûriyê Murhef Fehed axivî û got: “Çand peyamek e, evîn û biratiya bê sînor û stran jî qasidê herî lez ê çandê ye.”
Fehd di dewamiya axaftina xwe de wiha got: “Bi çand û stranan em gelek qonaxên dîplomasiyê kurt dikin û digihîjin armanca xwe ya ku dixwazin biratiya gelan pêk bînin û civakeke biratî, bi hezkirin, bi comerdî û berhemdar ava bikin.”
Piştre Bex Dare yek ji beşdarên amadekirina vîdyo kilîpê axaftinek kir û tê de şanaziya xwe bi vê xebata hunerî nîşan da û da zanîn ku “kar bi tevahî bi şiyan û şiyanên xwe hatiye kirin.”
Her wiha fîlmek dokumanterî li ser amadekirina paşperdeya klîpê hat pêşandan
Şahî bi pêşkêşkirina gulan ji bo nivîskar û berpirsên vî karî bi awî bû.
