Diyana Mistefa/Reqa
Bi dirûşmeya “Zarokê îro geşbûna pêşerojê ye” 5’emîn şahiya zarokatiyê li Reqayê ji aliyê Desteya Çand û Hunerê ya kantona Reqayê ve tê lidarxistin.
Desteya Çand û Hunerê ya kantona Reqayê Festîvala 5’emîn a Şahiya Zarokatiyê li kantona Reqayê bi dirûşma “Zarokê îro geşbûna pêşerojê ye” li dar xist.
Festîval bi deqeyeke rêzgirtinê ji bo giyanê Şehîdan dest pê kir, piştre hevseroka Desteya Çand û Hunerê ya kantona Reqayê Lîlav Xelîl bixêrhatina mêvanan kir û wiha got: “Festîvala îsal ku bi diruşma “Zarokê îro, geşbûna paşerojê ye” ji ber du sedemên girîng gelek cuda ye ji festîvalên berê û ya duduyan hevsengiya vê çalakiya zarokatiyê ya xweş bi tawaneke hovane ya ku ji aliyê dijminên zarokatiyê û mirovahiyê ve hatiye kirin, ji ber ku zarokên me li Dêrezorê kirine hedef, lê ji vir û pê ve di vê festîvalê de em sersaxiyê radigihînin ji bo vê kiryara tirsonek, ji malbatên qurbaniyan re sersaxiyê dixwazin.”
Piştre zarokê bi navê Sêf ku ji bajarê Dêrazorê ye û di encama bombebarana hêzên hikûmeta Şamê li ser gundê Dahla malbata xwe ji dest da, bû mêvan û beşdarî festîvala zarokatiyê li Reqayê bû.
Piştre ji zarokên beşdar pêşwaziyek hate kirin û herwiha Cîgira Seroka Rêveberiya Jin a Bakur-Rojhilatê Sûriyê Sewsan El-Xelef axaftinek kir û wiha got: “Zaroktî ev bereketa Xwedê ye, xemilandina jiyana vê dinyayê ji bilî parastin û xwedîderketina li wê, em îro li ber destkeftiyên nû yên ku zarokatiya xwe li Bakur-Rojhilatê Sûriyê bi dest xistiye, pîroz dikin. Zarok ew in ku ronahiya rêya me ronî dikin û qet naçin, û festîval platformek e ku rê dide wan ku hunera xwe derxînin pêş.”
Paşê çalakiyên roja yekem a festîvalê bi stranekê ku 150 zarok tê de beşdar bûn dest pê kir, piştre dîmenek dramatîk bi navê “Dîk, Kîvroşk û rovî” hat pêşandan û piştre jî gerstêrka zaroktiyê komê jimareyek ji kovendan pêşkêş kir û jimareyek dîlanê jî ji aliyê koma Navenda Çanda Keçan ve hat pêşkêşkirin.
Di çalakiyên Festîvalê de şanoya bi navê Holako jî ji aliyê zarokên naxweşên şekir ve hat pêşkêşkirin.
Her wiha Koma Navenda Çand û Hunerê jî stranek ji mîrateya Reqayê û stranên Kurdî ji aliyê Koma Behar ve hatin pêşkêşkirin.
Roja yekem a festîvalê bi pêşandana mîrata kurdî ji aliyê Koma Stranên Gelêrî ya Bahar ve bi dawî bû.
Li gorî komîteya amadekar, çalakiyên roja duyemîn a festîvalê dê pêşbirkên xêzkirin û govendê, vekirina pêşangehekê, serdana Muzexaneya Keşnasiyê û serdana baxçeyê zarokan bê kinrin.
