Hevseroka Desteya Çandinî û Avdaniyê Leyla Saroxan diyar kir ku wekî tevahiya saziyên Rêveberiya Xweser, jin di Desteya Çandinî û Avdaniyê de bi rola pêşengtiyê dilîze û xebatan pêşdixîne.
Yasmîn Omo / Hesekê
Piştî Şoreşa Rojava ku bi pêşengiya jinên kurd hat destpêkirin, jinan di tevahiya qadên jiyanê de destkeftiyên mezin bi dest xistin û rola pêşengtiyê girtin ser milê xwe. Bi damezrandina Rêveberiya Xwesr li herêma Bakur û Rojhilata Sûriyê û avabûna sîstema hevserokatiyê, di tevahiya deste û saziyên rêveberiyê de jin bû pêşeng û di pêşxistin û meşandina kar û xebatê de roleke serke lîst. Yek ji desteyên ku jin tê de xwedî roleke sereke ye; Desteya Çandinî û Avdaniyê ye.
Derbarê kar û xebatê jin di Desteya Çandinî û Avdaniyê de, hevseroka Desteya Çandiniyê ya Bakûr û Rojhilatê Sûriyê Leyla Saroxan ji rojnameya me re axivî.
Leyla Saroxan di destpêka axaftina xwe de wiha got: “Piraniya jinên ku di desteya Çandiniyê û avdanê de kar dikin, endizyarên çandiniyê ne. Van jinan di demên borî de jî di ofîsên desteya çandiniyê de kar dikirin. Belkî destpêkê jinê wekî karekerî xwe dihesband, lê niha xwe dihesbînin pispor û karê xwe pêş dixin.
Ji di desteya Çandiyê de di tevahiya ofîsan de cihê xwe digre, zeviyan dişopîne û di kampaniyên çandiniyê yê girêdayî nme wekî pisprê genim kar dikin. Herwiha di navenda lêkolîna Çandiniyê de jî jin bi roleke sereke radibe û kar pêşdixe. Li aliyekî din jin bi çêkirina pirojeyên cûrbicûr radibe; wekî pirojeyên sewaldariyê û çandiniyê. Di dema niha de pirojeya Bexçê şehîd Hevrîn, pirojeyeke xwedîkirina mirîşkan li bajarê Reqayê, pirojeya xaniyên
plastîkî li Tebqayê hene, niha jî hazirtiya vekirina pirojeya dermanxaneyeke ajalan tê kirin. Dem bi dem em pirojeyan amade dikin û ew piroje jî bi destê jinê tên birêvebirin.”
Leyla Saroxan di derbarê zehmetiyên ku jin rastî wê tên wiha got: “Zehmetiyên ku destpêkê derketin pêşberî jinê, hişmendiya baviksalarî bû. Ji ber vê hişmendiyê herdem zilam xwe wekî pispor û rêveber didît, herwiha xwe ji jinê zanetir dihesibînin. Lê bi saya têkoşîna jinê ev zihniyet hêdî hêdî hildiweşe û jin ji tirsa ku civakê di dilê wê de çandibû, xwe rizgar kir.”
Leyla balkişand ser destkeftiyên jinan û wiha pê da çû: ” Destkeftiyên jinê ji her kesî re diyarin, destkeftiya yekemîn sîstema hevserokatiyê ye ku rê li ber jinê vekir da ku karibe bi rola xwe rabe û bighje asta biryarstendinê, vê yekê hişt ku derfet li ber jinê vebe û di tevahiya saziyan de bi karê xwe rabe. Herwiha parastina mafê jinê yê bingehîn û xwezanekirin jî hişt ku jin bi berpirsyartiya ku dikeve ser milê rabe û xebatê pêşbixîne.
Hevseroka Desteya Çandinî û Avadaniyê leyla Saroxan axaftina xwe wiha qedand: “Li cihan heta niha jinê tirsa xwe derbas nekiriye bi rola xwe rabe. Ji ber wê em di perwerdeyên rêxistinkirin û pêşxistina jiana de berdewam in, da ku tevahiya jinan karibin bi kar û erkîxwe rabin, herwiha bi rola pêşengtiyê xebatên xwe bisrxînin.
