Ronaz Silêman/Qamişlo
Yekîtiya Ragihandina Jin YRJ`ê encamên kampanyaya ‘Na ji Darvekirinê Re’ ya ku di 12`ê Tebaxê li hemberî biryarên darvekirinê ku dadgehên Îranê li rojnamevan û çalakvanên jin Şerîfa Muhemedî û Pexşan Ezîzî birîne, hatibû destpêkirin eşkere kir.
Yekîtiya Ragihandina Jin YRJ`ê bi amadebûna rojnamvanên jin ên li Bakur û Rojhilatê Sûriyeyê li Baxçeyê Xwendinê yê li bajarê Qamişlo civînek çapemeniyê li dar xist û tê de bi daxuyaniyekê encamên kampanyaya ‘Na ji Darvekirinê Re’ eşkere kir. Daxuyanî bi zimanên Kurdî û Erebî hat xwendin, bi Kurdî ji aliyê endama Meclisa YRJ`ê Sorgul Şêxo û Erebî ji aliyê endama Desteya Rêveber a YRJ`ê Xedîce Mîrza ve hat xwendin.
Daxuyanî wiha hat destpêkirin: “Me wekî rojnamevanên jin ên li Herêma Bakur û Rojhilatê Sûriyeyê ku di bin sîwana Yekîtiya Ragihandina Jin YRJ`ê de kar û xebatê dimeşînin, li hemberî kiryarên rêjîma Îranê û dayîna cezayê darvekirinê li dijî çalakvana mafên mirovan Şerîfe Muhemedî û rojnamevan Pexşan Ezîzî, kampanyaya komkirina îmzeyan bi dirûşmeya ‘Na Ji Darvekirinê Re’ dabû destpêkirin. ”
‘Di kampaniyê de 36 hezar û 398 îmze hatine komkirin’
Daxuyanî wiha hat berdewamkirin: “Kampanyaya me di raya giştî ya Herêma Bakurê û Rojhilatê Sûriyeyê, Kurdistanê, welatên Rojhilata Navîn, Asya û Afrîkayê de deng veda. Biryar bû ku kampanya 19`ê Tebaxê bi dawî bibe, lê li ser daxwaza gelek sazî û çalakvanên mafên jinan a tevlêbûnê, me dema kampanyayê dirêj kir. Komîteyên me yên têkildar ji dehan saziyên ragihandinê yên jin, saziyên civaka sivîl ên jinan û saziyên hiqûqî îmze wergirtin. Di encama kampanyayê de ji rojnamevan, endamên saziyên sivîl, jinan, saziyên hiqûqî yên ji Herêma Bakur û Rojhilatê Sûriyeyê, her çar aliyên Kurdistanê, welatên Rojhilata Navîn ên wekî Lubnan, Misir, Mexirb, Tunis û welatiyên Ewropayê 36 hezar û 398 îmze hatin komkirin. Kesên ku îmzeyên xwe dane, siyasetmedar, rewşenbîr, çalakvan, rojnamevan, endamên saziyên sivîl, rêxistinên jinan û saziyên hiqûqî û kesayetên serbixwe bûn.”
Sazî û rêxistinên ku tevlî kampanyayê bibûn wiha ne:
1-Rêxistinên Kongra Star a Bakur- Rojhilatê Sûriyeyê û Ewropayê
2-Meclisa Jinan a Sûriyeyê
3-Kombûna Jinan a Zenûbiya
4-Komîteya Jinan a Meclisa Malbatên Şehîdan a Herêma Bakur û Rojhilatê Sûriyeyê
5-Nivîsgeha Jinan a Tevgera Civaka Demokratîk (TEV-DEM)
6-Navenda Lêkolînên Jineolojiya
7-Weqfa Jina Azad
8-Rêxistina Sara
9-Aboriya Jinan
10-Meclisa Jinan a Bakur û Rojhilatê Sûriyeyê
11-Rêveberiya Xweser a Kantona Minbicê
12-Partiya Yekitiya Demokratîk (PYD)
13- Partiya Nûjen û Demokratîk
14-Partiya Aştiya Demokratîk a Kurdistanê
15-Partiya Demoqrat a Kurdî ya Sûrî
16-Partiya Muhafezkaran
17-Komeleya Sawişka ya Jinan
18-Partiya Yekitiya Suryan
19-Yekitiya Jinên Suryanî
20-Akademiya Civaka Demokratîk
21-Meclisa Edaleta Civakî
22-Partiya Sûriyeya Pêşerojê
23-Hêzên Parastina Civakî (HPC)
24-yekîtiya jinên ciwan
25-Partiya Avakirin û Pêşxistinê ya Sûriyeyê
26- Partiya Welatparêzên Azad
27-Meclisa Siyasî ya Şoreşgerî
28-Tevgera Pêşeroja Kurdistanê
29-Partî Demokratîk Kurdistanî-Sûrî
30-Pirtûkxaneya Herekol
31-Keskesora Alan
32-Partiya Kesk a Demokrat
33-Ermenên Herêma Bakur û Rojhilatê Sûriyeyê
34-Tûra Fermandarên Aştiyê ya Jinan
35-Navenda Lêkolînan û Parastina Mafên Jinan
36-Yekitiya Jinên Êzidî yên Rojava
37-Desteyên Jinan ên Kantonên Herêma Bakur û Rojhilatê Sûriyeyê
38-Rêveberiya Xweser a Kantona Tebqayê
39-Heyva Sor a Kurd
40-Tevgera Hîlala Zêrîn
41-Parêzer û bijîşkên ji tevahî kantonan
42-Desteya Perwerde Fêrkirinê ya Herêma Bakur û Rojhilatê Sûriyeyê bi tevahî mamosteyên wê
43- Komeleyên Çerkes û Tirkmanî yên li Minbicê
44-Tevgera Azadiya Jinên Êzidî (TJAÊ)-Şengal
45-Weqfa Jinên Êzidî ya Şengalê
46- Doplomasiya Jinên Êzidî ya Şengalê
47- Tevgera Çand û Hunerê ya Ewropa
48-Hiqûnqasên Ewropa
49-Kombûna Amazîxî ya Cîhanî
50-Kombûna Piştgiriya Projeyên Çandiniyê-Tûnis
51-Koordînasyona Mexribê ya Meşa Cîhanî y a Jinan.
‘Xebata me dê li vir bi dawî nebe’
Daxuyanî wiha bi dawî bû: “Rojnamevanên ji Kurdistanê, çalakvanên ji Misir, welatên Ewropa, Başûrê Kurdistanê, Şengal û Lubnanê jî tevlî kampanyayê bûn. Em beşdarên kampanyaya xwe agahdar dikin ku em ê lîsteya îmzeyan ji Federasyona Rojnamegerên Navneteweyî, Human Rights Watch û Rêxistina Rojnamevanên Sînornenas re bişînin. Xebata me dê li vir bi dawî nebe. Li ku derê dibe bila bibe em ê sûc pêkanên li dijî jinan têne ragihînin, ta edalet pêk were û rola pêşang a jinan di civakê de mîsoger bibe. Wê piştgiriya me ya ji bo serhildana “Jin, Jiyan Azadî” û pêkanîna têgehên wê bidome.”
