Birûc Resûl/Qamişlo
Hevseroka Tev-Çand Sumeya Mihemed da zanîn ku bi armanca pêşxistin û parastina çand û hunera gelên Bakur û Rojhilatê Sûriyê ya resen, Tev-Çand xebatên xwe didomîne û got, “Em bang li hemû gelê kurd li her çar parçeyên Kurdistanê dikin ku xwedî li çand û hunera xwe derkevin, ji ber ku çand û hunera me nasnemeya me ye.”
Tevgera Çand û Hunera Netewa Demokratîk a Mezopotamiya(TEV-ÇAND) yek ji tevger û bizaveke hunerî û çandî ye ku di sala 2006’an li Rojava hatiye damezrandin û gelek kar û xebatên hêja daye meşandin.Derbarê piroje, kar û xebatên Tev-Çand de, hevseroka Tev-Çand a Bakur û Rojhilatê Suriyê Sumeya Mihemed ji Rojnemeya me re axivî.
Girêdana gel bi çand û huner e xwe ve
Sumeya Mihemed balkişand ser kar û xebatên Tev-Çand yê Bakur û Rojhilatê Suriyê û wiha got: “Piştî Konferansa Tev-Çand ya 2024`an, biryarên ku hatin girtin ew bûn ku salelek jê li ser asta Bakur û Rojhilatê Suriyê festîval werin li dar xistin, her wiha salek jê jî wê li ser asta kantonan nwere li darxistin wek festîvalên çano, muzîk, govend, sînema, wêje û hwd…, di heman demê de wê perwerdeyên
rêxistinî werin dayin, ji ber ku me xwest girîngiyê bidin aliyê berwerdê. Heya niha kar û xebatên Tev-Çand li ser asta Bakur û Rojhilatê Suriyê bi awayekî baş û aktîf derbas dibe, li gorî rewşa ku li herêmê derbas dibe ji aliyê êriş û şerê taybet ve, lê em dikarin bêjin ku gel bi çand û hunera xwe ve heya astekî bilid ve hatiya girêdan û her ku diçe di milê pirojeye û çalakiyên çandî û hunerî berfer dibe.”
Piroje
Sumeya di berdewamiya axaftina xwe de wiha got: “Me wekî Tev-Çand 3`ê dewreyên girtî li ser asta Bakur û Rojhilatê Suriyê bi zimanî kurdî da destpêkirin, piştî wê jî perwerdeyên fikirî û piratîkî li hunergihê hat dayin ew jî nêzî 3`ê mihan dewam kir. Niha jî pirojeyên ku em li ser dixebitin, ew jî pirojeyê me yên hunergihê ne, ev stranên herî dawî ku têne çêkirin bi taybet ya bi nave Hîcaz hat amedakirin ku tê de 72 endam cihê xwe lê girtin û piştî demekî kurt wê were weşandin. Her wiha pirojeya komîna sînema wê dest bi fîlmekî nû bikin, ew fîlîm bi navê ‘Kekê Min’ li serb rewşa ku gelê Êzîdî li derbas bûn û di heman demê êrişên ku li ser herêmê har kirin, zehmetî û êşa gel derdixe. Hazirtiya fîlima bi nave ‘Kekê Min’ wê nêzî 3`ê mihan dirêj bike heya ku were amadekirin û weşandin. Di heman wextî de pişbirkek sînariyo yên şano li asta Bakur û Rojhilkatê Suriyê hat li darxistin, armanca me ji vê pişbirkê ew bû ku nivîsa sînariyo ji hindirê herêmê bin, ji ber ku dema ku me şano li dardixst her4 sînaryo ji derva dihat gitin, li ser vê bingihê me xwest asta nivîsandina sînaryo li herêma bilind bibe. Niha jî em hazirtiya akadimîyek hunerî dikin, wekî zaningeh be. Her wiha wê beşê sînema, şano û muzîk, armanca me ew e ku mamoste em derbixin û pêwîstiyê me ji mamosteyên derve tune be.”
çalakî
Sumeya mihemed da zanîn ku çalakiyên ji bo pêngava Azadiya fîzîkî ya Rêber Apo berdewame û wiha got: “Çalakiyên Tev-Çand berdewamin, bi taybet ji bo pêngava Azadiya Rêber Apo ya fîzîkî, nêzî 6 konser li sar asta cizîrê hat li darxistin û em ê li ser asta Bakur û Rojhilatê Suriyê jî konsaran li darbixin ji bo piştgirya Rêber Apo. Her wiha daxuyanî jî hatin dayin.”
‘Çand û huner eynika civakê ye’
Hevseroka Tev-Çand a Bakur û Rojhilatê Suriyê Sumeya Mihemed di dawiya axaftina xwe de wiha got: “Çand û huner eynika civakê ye, pêwîste em bi gevên mezin û aktîf tevbigerin. Di herî dawî bangewaziya me ji bo her çar parçeyên Kurdistanê heya ku xwedî li çand û hunera xwe derkevin, ji ber ku çand û hunera e nasnemeya me ye.
