Ronaz Silêman/Qamişlo
Bi pêşengtiya Kongra Star jinên bajarê Qamişlo, Tilhemîs, Tirbispiyê û Amûdê meşeke girseyî li bajarê Qamişlo ji bo şermezarkirina êrişa li ser erebeya rojnemevanan li dar xist
Bi pêşengtiya Kongra Star meşeke girseyî ji bo şermezarkirina êrişa ku di 23`ê Tebaxê de li dijî erebeya rojnemevana li bajarê Silêmaniyê pêk hatibû û di encamê de rojnemevan Gulîstan Tara û Hêro Behadîn şehîd bûn, li bajarê Qamişlo hat lidarxistin. Meş ji Çerxerêya Sonî dest pê kir û li pêşiya Navenda
Mihemed Şêxo ya Çand û Hunerê bi dawî bû. Di meşê de jinên bajarê Qamişlo, Amûdê, Tirpêsbiyê, Tilhemîs û bi sedan endamên Meclis û Saziyên Rêveberiya Xweser tevlî bûn. Herwiha di meşê de siloganên ‘Jin Jiyan Azadî’ Bimre Îxanet Bê Serok jiyan nabe’ hat qîrandin.
Piştî ku meş veguherî mîtîng xuleyek bêdengî li ser giyanên şehîdan hat rawistandin, piştre li ser navê Koordînasyona Kongra Star Şaha Xelîl axivî û wiha got: “Em dengê xwe dighînin cîhanê ku hemû tang û topên wan wê bi fikir û felsefeya Rêber Apo tê biçin. Herwiha bi riya ragihandina azad û bi pênûsa jina azad wê dewleta Tirk a dagirker û hevalbendên wê têk biçin. Di heman demê de wê şoreşa ‘Jin Jiyan Azadî’ bibe şoreşa rizgariya gel ji dewletên dagirker. Bimre îxaneta mala Barzanî û hevalbendên wan û wê azadiya me bi azadiya fîzîkî ya Rêber Apo misoger bibe. “
