Diyana Mistefa/Reqa
Ofîsa Ragihandinê ya Meclisa Rêveber a Reqayê bi daxuyaniyekê hedefgirtina rojnamevanên jin ji aliyê dewleta Tirk a dagirker li Başûrê Kurdistanê şermezar kir.
Daxuyanî ji aliyê endamê Ofîsa Ragihandinê ya Meclisa Rêveber a Kantona Reqayê Mihemed El-Şûban ve hate xwendin.
Di daxuyaniyê de wiha hat gotin:
“Dewleta Tirk a dagirker êrîşên xwe yên hovane di berdewamiya şerê qirkirin û bêîstiqrariyê û daxwaza xwe ya ji bo çêkirina pevçûnan û rizgarbûna ji qeyranên navxweyî didomîne, ji ber ku ev êrîş û hedefgirtin ne ya yekemîn in, bi hemû şêweyan li dijî gelên herêmê berdewam dike.
Herî dawî dawí, dema ku balafirên dewleta Tirk a dagirker tîmeke çapemeniyê ku li bajarê Silêmanî ya Başûrê Kurdistanê karê çapemeniyê dikir, kir hedef, di encamê de 2 rojnamevanên Kurd Golistan Tara û Hêro Bahaa El-Dîn şehîd bû.
Her du Şehîdan canê xwe ji bo başkirina rewşa jinên Kurd li Başûrê Kurdistanê û eşkerekirina rastiya êrîşên dewleta Tirk a dagirker û siyaseta wê ya mitínger a li ser gelê Kurd û tevgerên dagirkeriyê yên dewleta Tirk, feda kirine.
Em ê di serî de têkoşîna hemû Şehîdên çapemeniya azad ji bo jiyana azad û wekheviyê bikin bingehê xebat û têkoşîna xwe.
Têkoşîna wan wê bibe pêla hêz û baweriyê, Ji bo me jî rastiya têkoşîna çapemeniya
azad, çiqas êrîş, zext, girtin, hewldanên çewisandinê û bêdengiya dev jê bernedin, me bi serketina têkoşîna jinê ve girê dide Ji bo azadiyê bi felsefeya (Jin, Jiyan Azadî) ye em ji her demê zêdetir tekezî li ser xurtkirina têkoşîna azadiyê dikin.
Em li Ofîsa Ragihandinê ya Meclisa Rêveber a Kantona Reqayê, êrîşên dewleta Tirk ên hovane yên li dijî xebatkarên çapemeniyê bi taybet jinên pispor ên medyayê şermezar dikin û em bang li hemû rêxistinên navneteweyî yên ku îdîaya parastina mafên mirovan dikin, dikin ku li hemberî van êrîşan erka xwe ya mirovî pêk bînin û dawî li van êrîşên ku xebatkarên çapemeniyê, rojnameger û vîna azad a jinan dikin, bînin.
Di dawiyê de em sersaxiyê ji Malbatên her du Şehîdan, hevrêyên wan ên çapemeniya azad û tevahî gelê Kurd re û ji birîndar û birîndaran re şifayê dixwazin”.
