Diyana Mustefa/REQA
Meclisa Giştî ya kantona Reqqayê 4′ emîn Civîna Gel ji bo şêniyên Reqqayê li dar xist û rewşa siyasî û bûyerên dawî yên li herêmê diqewimin hat şîrove kirin.
Bi dehan Şêniyên bajarê Reqayê, komîn û endamên Saziyên ku li bajarê Reqayê xebatên xwe dimeşînin, Meclîsa Şehîd Ehmed El-Cenem a bajarê Reqayê, amade bûn.
Civîn bi deqeyeke rêzgirtin ji bo giyanê Şehîdan dest pê kir, piştre hevserokê Meclisa giştî ya kantona Reqayê Luay El-Îsa bixêrhatina mêvanan kir û tekez kir ku armanca vê civînê ravekirine Rewşa bingehîn û êrîşên li dijî Rêber Abdullah Ocalan ên ji bo têkoşîna projeya xweseriya demokratîk hatin destpêkirin
Piştre Şêwirmendê Meclisa Rêveber li kantona Reqayê Ednan Ibrahîm li ser rewşa Siyasî axivî û got: “Em niha di qonaxeke dîrokî ya êş û azarên gelê Sûriyê de ne, şerê li dijî welatên ji bo kontrolkirina Sûriyê û pêkanîna nîzama nû ya cîhanê ku dixwaze cîhanê û Rojhilata Navîn kontrol bike
Ednan Îbrahîm diyar kir ku komploya navneteweyî ya li dijî Rêber Abdullah Ocalan di çarçoveya destwerdana Amerîka û Ewropayê ya li Rojhilata Navîn û dagirkirina Sûriyeyê de ye û armanca patronên darayî di pergala nû ya cîhanê de kontrolkirina hêza Kurd, gelê Kurd û ramana Rêber Abdullah Ocalan”.
Ednan Îbrahîm bal kişand ser komploya navneteweyî ya li dijî Rêber Abdullah Ocalan û wiha got: “Ev komploya navneteweyî ji bo bidawîkirina Hizba Zehmetkêşan a Kurdistanê û ji bo bidawîkirina fikrê Rêber Abdullah Ocalan pêk hat, lê ji ber berxwedêrên ku li ser şopa Rêber Abdullah Ocalan û bi fikra Rêbertî dimeşiyan komplo bi ser neket.” Armanca Tirkiyeyê ji holê rakirina îdeolojiya Rêbertî, biratiya gelan û têkbirina ewlekarî û aramiya herêmê ye, bi êrîşên xwe yên dubare yên li ser Efrîn, Til Ebyad û Serê Kaniyê ye.
Ednan Ibrahîm di dawiya axaftina xwe de got: “Ev îradeya gel e ku li pêşiya pergala nû ya cîhanê rawestiyaye û serkeftina ku li Kobanê hatiye bidestxistin serkeftina gelên Bakur-Rojhilatê Sûriyê ye û bi saya berxwedan û ramanê Rêber, em ê ji zilma dagirkeran ku dixwazin xaka me dagir bikin rizgar bibin
