Roj Mehmûd/Qamişlo
Zarokê wênesaz Mihemed Cûdî ku ji bajarê Qamişlo ye di nava salekê de 21 tabloyên balkêş xêz kirin û bi rêya tabloyên xwe hestên zaroktiya xwe derdixe holê.
Huner û afrînerî, temenê mirov nas nakin. Temen çi dibe bila bibe xwe berdide ser dil, mejî û hestên mirovan û dikeve nav kûrahiya jiyan û hestên wê/wî de. Hunera wênesaziyê wek hemû hunerên din e ku her kes dikare hest û rastiya xwe bi awayek hunerî bîne ser ziman. Bi sedan zarok li Bakur û Rojhilatê Sûriyê xwedî jêhatiyên xêzkirinê ne, lê gelek ji wan derfetê nabînin ku jêhatiyên xwe dewam bikin û pêş bixin. Yek ji van zarokan jî Cûdî Mihemed e.
Cûdî Mihemed zarokeke ji bajarê Qamişlo ye, bi temenê xwe 13` salî ye, li kêleka xwendina xwe, xêzkirina tabloyên balkêş dike. Cûdî ji temenê 10 salî ve dest bi xêzkirina wêneyan kiriye û bi taybet xîzkirina xwezayê bala wî kişandiye.
Zarokê wênesaz Cûdî Mihemed derbarê jêhatiya xwe ya wênesaziyê de ji Rojnameya me re axivî.
Cûdî Mihemed bal kişand ser destpêka fêrbûna wî ji wênesaziyê re û wiha got: “Di sala 2022`an de ez tevlî korsa wênesazêyê bûm da ku ez zêdetir fêrî wênesazî û zagonên wê bibim, lê tişta bû asteng li pêşiya min xwendina min ya dibistanê bû, ji ber vê yekê min korsa xwe
rawestandin da ku zirarê neghênim xwendina xwe, tevî vê yekê min li malê xêzkirina tabloyan dewam dikir.”
Cûdî Mihemd wiha dewam kir: ” Weke her zarokekî min wênesazî bi xêzkirina ser kaxizekê destpê kir, lê her ku diçû di vî warî de min pêşketin bi xwe re didît, di rahiştina firçeya wênesaziyê de û hilbijartina rengan de pêşketin zêde bû û bi taybet dayika min piştgiriya min kir û heta niha li her pêşengehê hewil dide ku tabloyên min tê de bide pêşindan.”
‘Her kes ji xêzkirinê hez dike lê her kes nikare xêz bike’
Cûdî Mihmed wiha anî ziman: “Di 9`ê Îlona 2024’an de, wê pêşengehekli navenda Mihmed Şêxo ya Çand û Huner bê li dar xistin, ez ê tevlî vê pêşengehê bibim da ku tabloyên xwe pêşandan bikim, hêviyeke min heye ew e ku pêşengeheke taybet bi xwe vekim û ji bo vê yekê ez ê zêdetir xwebatê bikim, her kes ji xêzkirinê hez dike lê her kes nikare xêz bike û yê ku bixwaze xêz bike divê perwerde bibe bixebite.”ةوekê ez ê zêdetir xwebat bikim.
