Navenda Nûçeyan
Kongra Star bi banga piştgiriya berxwedana jinan a li Rojhilatê Kurdistanê û Îranê û betalkirina biryarên darvekirina Pexşan Ezîzî û Şerîfe Muhemedî kir.
Piştî qetilkirina jina ciwan Jîna Emînî 16`ê Îlona 2022`yan, berxwedana jinan bi dirûşma “Jin, Jiyan, Azadî” li Rojhilatê Kurdistanê û Îranê berdewam e.
Gelek rêxistinên cîhanê û jinan li Rojavayê Kurdistanê, Bakur û Rojhilatê Sûriyeyê piştgirî dan vê berxwedanê û biryarên hovane yên li dijî aktivîstên jin ên di girtîgehên Îranê de şermezar kirin.
Bi vê boneyê li ser navê rêxistina Kongra Star daxuyaniya piştgiriya kampanya “Na ji darvekirinê re” hat ragihandin .
Daxuyanî ji aliyê berdevka Kongra Star Rîhan Loqo ve hat xwendin.
Di destpêka daxuyaniyê de wiha hate gotin: “Bi navê şoreşa jin em serhildana jin jiyan azadî ya Rojhilatê Kurdistan û Îran ku bê navber hişmendiya nijadperest, olperest, zayendperest, netewperest berxwedaneke dîrokî didin meşandin, di sedsala 21’an de jin, ciwan, dayik, bav berxwedaneke dîrokî didin meşandin, her ku diçe serhildana jin jiyan azadî ku jin pêşengiya wê dike,li Rojhilata Navîn û tevahiya kurdistanê û cîhanê dengveda asta wêyî têkoşînê bilind dibe, û dibe mînak ji tevahiya cîhanê re,lewra êrîşa li ser jinan û avêtana wan ya zindanan zêdetir dibe.”
Di dewama daxuyaniyê de wiha hat gotin: “Biryarên darvekirina Pexşan Ezîzî û Şerîfe Muhemmedî ji aliyê rejima Îranê ve hat dayin ku wan Hevrêyan wekî li hember netew dewletê radiwestin tên tewambar kirin, lê wek tê zanîn ku ev herdu hevrêyên me heya dawî ji bo civakeke demokrat û ava kirina civake kê demokratîk û aştiyane li hember pergala desthilatdar û hişmendiya wê têkoşiyan, ku di qada serhildan jin jiyan azadî de bibin dengê heqîqetê,lê rejima îranê xwe li ber vê ranegirt û di derheqê wan hevriyên mede biryarê darve kirinê girt.”
Daxuyanî wiha hate qedandin: “Em weke rêxistina Kongra Star piştgiriyê didin kampaniya ku ji aliyê yekîtiya ragihandina jin YRJê, em ê piştgiriya her jineke ku ji bo azadî û demokrasiyê têdikoşe bikin û emê herdu hevrêyên xwe û tevahiya jinên têkoşer ku di girtîgehan de ne bi tenê nahêlin. Bangawazî li hemû kes û jinên ku dilê wan ji bo welatparêzi û azadiyê lêdide ku dive em bi hevre dakevin qada serhildan têkoşîn û azadiyê û bi hevre bêjin “Na Ji Darvekirinê re” emê bêjin erê ji ina azad re ,erê ji azadiya civakê re , erê ji dengê rastî û heqîqetê re “
